तिनीहरूले आफ्नो वचन पूरा गरे!
आफ्नो स्कूले पढाइको अन्तिम वर्षमा अध्ययनरत् आन्टोनियो आफ्ना सहपाठीहरूलाई अनौपचारिक साक्षी दिन चाहन्थे। त्यसैकारण तिनले इतिहास पढाउने आफ्नो शिक्षिकालाई नाजी आक्रमण विरुद्ध यहोवाका साक्षीहरू दृढ रहन्छन् भिडियो देखाउने सुझाउ दिए। शिक्षिका पूर्णतया सहमत नभए तापनि राजी भइन् र भिडियो भोलिपल्ट देखाउने कुरा बताइन्।
आन्टोनियो भन्छन्: “सुरुमा त शिक्षिकाले केही खोट निकाल्ने हिसाबमा हेरिरहनुभएको थियो तर जब प्रख्यात इतिहासकारहरूले यहोवाका साक्षीहरूको नाजी यातना शिविरको इतिहास बताउन थाले, तब तिनले ध्यान दिएर हेर्न थालिन्। अन्तमा भिडियो देखाउने सुझाउको लागि मलाई धन्यवाद दिनुभयो।”
अर्को कक्षामा शिक्षिकाले त्यतिबेला जर्मनीमा बिबेलफोर्शर भनिने यहोवाका साक्षीहरूको काम बुझाउने कोसिस गरिन्। तर यो काम आन्टोनियोले गर्नु बेस हुनेछ भन्ने महसुस गरिन्। आन्टोनियोले समाजमा साक्षीहरूको भूमिकाका साथै केही सिद्धान्तहरूबारे बताए। तिनले अन्तमा यसो भने: “तर मानिसहरूले हामी घरघर जाँदा ढोका ढ्याम्म बन्द गर्छन् वा हाम्रो पत्रिकाहरू पढ्दैनन् भने हामीले साक्षी दिने अनमोल सन्देशबाट फाइदा उठाउने कुरै भएन।”
यस कुरामा विचार गरेपछि आन्टोनियोका सबै सहपाठीहरू शिक्षिकाको प्रस्तावना स्वीकार्न राजी भए। त्यो प्रस्तावना थियो, साक्षीहरूलाई भेट्दा तिनीहरूको कुरा सुन्नेछन् र पत्रिकाहरू स्वीकार्नेछन्। कक्षाका सबैले केही समयसम्म भिडियोबारे कुरा गरिरहे। पछि आफ्ना सँगी विद्यार्थीहरू वाचटावर साहित्यहरू लिंदै आएका देख्दा आन्टोनियो कति दंग भए होलान् तपाईं कल्पना गर्न सक्नुहुन्छ र तिनीहरू सबैले यसो भने: “देख्यौ, मैले आफ्नो वचन पूरा गरें!”