स्वर्गमा लाखौँ व्यक्तिहरू छन्
बाइबलले स्वर्गमा थुप्रै व्यक्तिहरू छन् भनेर बताउँछ। तर हामी तिनीहरूलाई देख्न सक्दैनौँ। यहोवा परमेश्वर तिनीहरूमध्ये एक जना हुनुहुन्छ।—युहन्ना ४:२४; २ कोरिन्थी ३:१७, १८.
कुनै बेला सारा ब्रह्माण्डमा यहोवा मात्रै हुनुहुन्थ्यो। त्यसपछि उहाँले आफू जस्तै अदृश्य व्यक्तिहरू सृष्टि गर्नुभयो। तिनीहरूलाई स्वर्गदूत भनिन्छ। तिनीहरू मानिसहरूभन्दा कैयौँ गुणा शक्तिशाली र बुद्धिमान् हुन्छन्। यहोवाले थुप्रै स्वर्गदूत बनाउनुभयो। परमेश्वरको सेवक दानिएलले एउटा दर्शनमा लाखौँलाख स्वर्गदूतहरू देखे।—दानिएल ७:१०; हिब्रू १:७.
परमेश्वरले पृथ्वी सृष्टि गर्नु धेरै अगाडि नै ती स्वर्गदूतहरू बनाउनुभएको थियो। (अय्युब ३८:४-७) तर तिनीहरूमध्ये कोही पनि पृथ्वीमा जन्मिएर मरेका मानिस भने थिएनन्।
यहोवा परमेश्वरले आफूजस्तै लाखौँ अदृश्य व्यक्ति बनाउनुभयो।