पूरै पृथ्वी सुन्दर हुनेछ
यहोवाले सैतानले पुऱ्याएको सबै हानिलाई सच्याउनुहुनेछ। यहोवाले नियुक्त गर्नुभएको राजा येसुले पूरै पृथ्वीमा शासन गर्नुहुनेछ। उहाँले शासन गर्नुहुँदा पूरै पृथ्वी बगैँचाजस्तै सुन्दर हुनेछ।—दानिएल ७:१३, १४; लुका २३:४३
यहोवाले यस्तो प्रतिज्ञा गर्नुभएको छ:
खानेकुरा प्रशस्त हुनेछ: “पृथ्वीले आफ्नो उब्जनी दिनेछ; परमेश्वरले, हो, हाम्रा परमेश्वरले हामीलाई आशिष् दिनुहुनेछ।” “पृथ्वीमा प्रशस्त अनाज उब्जिनेछ; पहाडका टाकुराहरूमा समेत अन्नको कुनै कमी हुनेछैन।”—भजन ६७:६; ७२:१६.
फेरि कहिल्यै युद्ध हुनेछैन: “आओ र यहोवा परमेश्वरका कामहरू हेर, उहाँले पृथ्वीमा कस्ता अचम्म-अचम्मका कामहरू गर्नुभएको छ। पृथ्वीबाट उहाँले युद्ध नामेट पार्नुहुन्छ।”—भजन ४६:८, ९.
दुष्ट मानिसहरू हुनेछैनन्: “किनकि कुकर्मीहरू नामेट हुनेछन्। . . . अब केही बेरपछि नै दुष्टहरूको नामोनिसान मेटिनेछ; तिमीले तिनीहरू भएको ठाउँमा हेर्नेछौ तर तिनीहरू त्यहाँ हुनेछैनन्।”—भजन ३७:९, १०.
रोगबिमार, दुःख पीडा र मृत्यु हुनेछैन: “त्यसबेला अन्धाहरूका आँखा खोलिनेछन् र बहिराहरूका कान उघारिनेछन्। त्यसबेला लङ्गडो मृगझैँ उफ्रनेछ र गुँगोको जिब्रोले जयजयकार गर्नेछ।”—यसैया ३५:५, ६.
“परमेश्वर आफै तिनीहरूसित रहनुहुनेछ। उहाँले तिनीहरूका आँखाबाट सबै आँसु पुछिदिनुहुनेछ र मृत्यु हुनेछैन अनि शोक, रुवाइ वा पीडा पनि फेरि कहिल्यै हुनेछैन। पहिलेका कुराहरू बितिसकेका छन्।”—प्रकाश २१:३, ४.
सैतान र त्यसका प्रेतहरू झूट बोल्छन्। तर यहोवा कहिल्यै झूट बोल्नुहुन्न। उहाँले प्रतिज्ञा गर्नुभएका सबै कुराहरू अवश्य पूरा हुनेछन्। (लुका १:३६, ३७) यहोवा तपाईँलाई माया गर्नुहुन्छ र तपाईँ सधैँभरि बाँचिरहेको चाहनुहुन्छ। त्यसकारण, यहोवाका साक्षीहरूलाई भेट्नुहोस् र बाइबलमा पाइने सत्य कुरा सिक्नुहोस्। आफूले सिकेको सत्यअनुसार जीवन बिताउनुभयो भने तपाईँ झूटो धर्म, तन्त्रमन्त्र र अन्धविश्वासबाट मुक्त हुन सक्नुहुनेछ। पछि, तपाईँ पाप र मृत्युको पन्जाबाट पनि मुक्त हुन सक्नुहुनेछ। येसुले यसो भन्नुभयो: “तिमीहरूले सत्य थाह पाउनेछौ र सत्यले तिमीहरूलाई स्वतन्त्र बनाउनेछ।”—युहन्ना ८:३२.