सँधैभरि कसरी बाँच्न सकिन्छ भनेर सिकाउन मानिसहरूकहाँ फर्केर जानुहोस्
१ सधैंभरि बाँच्न सक्नु हुन्छ पुस्तक प्रकाशित भएदेखि ११५ वटा भाषामा ६ करोड ५० लाखभन्दा बढी प्रतिहरू उत्पादन भइसकेका छन्। अहिले यहोवाका सेवक भएका धेरैजनाले यही असल साधनद्वारा नै बाइबलका आधारभूत सत्यहरू सिकेका हुन्। यो र यस पछिको महिनामा हामी मानिसहरूलाई यही बाइबल अध्ययन सहायक प्रस्तुत गर्नेछौं अथवा यो पुस्तक पहिले नै लिइसकेका व्यक्तिहरूलाई भेट्न पनि सक्छौं।
२ किताब भएकाहरूकहाँ पुनः फर्केर जानु: केही प्रकाशकहरूले चासो देखाउने व्यक्तिहरूलाई विषयवस्तुको सूचि देखाएर उनीहरूलाई विशेष चासो कुन विषयमा लाग्छ भनेर सोध्दा पनि राम्रा परिणामहरू पाएका छन्। घरधनीले एउटा विषय छानि सकेपछि अर्को पटक आफू नआउन्जेलसम्म त्यस अध्यायलाई पढिराख्नु भन्ने सुझाव दिनुहोस्।
३ यथासम्भव पुनः फर्केर आउन हामीले निश्चित समय र दिन तोक्नुपर्छ। तिनकहाँ पुनः फर्केर जानुअघि घरधनीले छानेको अध्यायबाट केही अनुच्छेदहरू छलफल गर्न हामीले पूर्वतयारी गर्नुपर्छ। तिनले कुनै अध्याय छानेका छैनन् भने हामीले पहिलो अध्याय देखि छलफल थाल्न सक्छौं। केही अनुच्छेदहरू छलफल गरिसकेपछि हामीले एउटा प्रश्न उठाउनुपर्छ जसको जवाफ आउने केही अनुच्छेदहरूमा छलफल गरिनेछ। त्यसो गर्नाले अर्को पुनः भेटको लागि एउटा खुड्किलो बन्छ र हामी सधैंभरि बाँच्न सक्नु हुन्छ पुस्तकबाट अध्ययन कायम गर्न सक्छौं।
४ निस्सन्देह घरधनीका प्रश्नहरू छन् भने, ती प्रश्नहरू पहिले छलफल गर्नु उपयुक्त हुनेछ। सम्भवतः तिनको प्रश्नको उत्तर त्यही पुस्तकमा नै दिएको हुन सक्छ। त्यस पुस्तकमा भएका कुराहरूसङ्ग हामी राम्ररी परिचित छौं भने उपयुक्त अनुच्छेदहरू देखाएर त्यहाँ भएका सामग्रीलाई प्रयोग गर्दै तिनले उठाएको प्रश्नको जवाफ दिन सक्छौं।
५ पर्चा छाडेको व्यक्तिकहाँ पुनः फर्केर जानु: प्रथम पटक भेट गर्दा घरधनी व्यस्त भएको हुनाकारण हामीले तिनीसित शान्तिमय नया संसार पर्चा छाडेका थियौं होला। पुनः फर्केर जाँदा, तिनीसित त्यस पर्चाको सुरुका अनुच्छेदहरू छलफल गर्न सक्छौं।
हामीले छलफल गरेर पृष्ठ ३-को प्रथम अनुच्छेदको अन्तसम्म अर्थात् भजनसंग्रह ३७:२९ उद्धरित गरिएको ठाउँसम्म पुगेपछि हामी यसो भन्न सक्छौं:
◼ “ती शब्दहरूले पार्थिव प्रमोदवनमा तपाईं सधैंभरि बाँच्न सक्नु हुन्छ भन्ने यस प्रकाशनमा छलफल गरिएका कुराहरूमाथि प्रकाश पार्दछन्। यहाँ अध्याय १-को अनुच्छेद ३-मा ‘हामी किन विश्वास गर्न सक्छौं’ भन्ने उपशीर्षक अन्तर्गत दिइएको विचारलाई ध्यान दिनुहोस् त।” त्यसपछि हामी अनुच्छेद ३ पढेर त्यहाँ भएको प्रश्न सोध्न सक्छौं र अनुच्छेद ४ र ५-लाई पनि त्यस्तैगरि छलफल गर्न सक्छौं। त्यस पश्चात् हामी यसो भन्न सक्छौं: “अहिले परिस्थितिहरू किन परमेश्वरका उद्देश्यहरू भन्दा बिल्कुलै विपरित छन्? यस पछिका अनुच्छेदहरूले त्यसको वर्णन गर्नेछ। म अर्को हप्ता यति बेला नै फर्केर आएर तपाईंको त्यस प्रश्नको जवाफ दिन चाहन्छु।” त्यसपछि हामी त्यो पुस्तक प्रस्तुत गर्न सक्छौं।
६ “सधैंभरि बाँच्न सक्नु हुन्छ” पुस्तक प्रस्तुत गर्न हामी यसो भन्न सक्छौं:
◼ “मलाई आशा छ यस प्रकाशनको एउटा प्रति आफ्नो लागि राख्न तपाईंलाई खुशी लाग्नेछ। त्यसो गर्नुभयो भने हाम्रो अर्को छलफल अघि नै तपाईं त्यसलाई पढ्न र हाम्रो अघिल्लो कुराकानीबाट अझ बढी लाभ प्राप्त गर्न सक्नुहुनेछ। यस पुस्तकका लागि मानिसहरूबाट हामी रु० २०.०० चन्दास्वरुप लिन्छौं।” (अङ्ग्रेजी संस्करणको ठूलो पुस्तक रु० ४०.००)
७ मानिसहरू सधैंभरि कसरी बाँच्न सक्छन् भनेर सिक्न मदत दिन तिनीहरूकहाँ पुनः फर्केर जानु एउटा महत्त्वपूर्ण काम हो। आफूले सिकेका कुराहरू अरूहरूलाई सिकाऊ भनी येशूले आफ्ना चेलाहरूलाई अह्राउनु भयो। बढी कामदारहरू पठाउनुहोस् भनेर हामी यहोवालाई प्रार्थना गर्दछौं। अतः चासो देखाउने व्यक्तिहरूलाई खोज्ने र कटनीको समयमा तिनीहरूलाई सहकर्मीहरू हुन सिकाउने हाम्रो जिम्मेवारी पूरा गरौं।—मत्ती ९:३७; २८:१९, २०.