हामी किन हाम्रो विश्वव्यापी भ्रातृत्वलाई प्रेम गर्छौं?
आजको प्रेमरहित संसारमा हामी कसरी हाम्रा आध्यात्मिक भाइहरूप्रति गहिरो प्रेम प्रदर्शित गरिरहन सक्छौं? (१ पत्रु. २:१७) हाम्रो साँचो विश्वव्यापी भ्रातृत्व वास्तविक हो भन्ने कुरा हामी कसरी अरूलाई देखाउन सक्छौं? (मत्ती २३:८) आवर होल असोसिएसन अफ ब्रदर्स् भन्ने भिडियो देखाएर। यसले हामी किन आपसमा प्रेम गर्छौं भन्ने कारणहरू देखाउँछ। तपाईं यी प्रश्नहरूको उत्तर दिन सक्नुहुन्छ कि सक्नुहुन्न, हेर्नुहोस्:
(१) हाम्रो विश्वव्यापी भ्रातृत्वमा हामी सबैले गर्ने तीनवटा गतिविधि के-के हुन्? (२) हाम्रा भाइहरूले प्रचार गर्ने आफ्नो संकल्प कसरी देखाइरहेका छन् (क) अलास्काको उजाडस्थानमा, (ख) युरोपको विशाल बन्दरगाहमा अनि (ग) पेरूको घना जंगलहरूमा (३) साक्षी दिने सबैभन्दा प्रभावकारी साधन के हो? (४) हामीले किन प्रचार कार्यलाई साधारण काम ठान्नु हुँदैन? (५) यहोवाका साक्षीहरूले आपत्-विपत्को समयमा अर्थात् भूकम्प, आँधीबेहरी तथा गृहयुद्धको समयमा कसरी एक अर्कालाई सान्त्वना तथा सहायता गरेका छन्, उदाहरण दिनुहोस्। (अगस्त २२, १९९५, अवेक!-को पृष्ठ २३ मा दिइएको ताकाओ र अक्टोबर २२, १९९६, अवेक!-को पृष्ठ २० मा दिइएको कोतोयोको टिप्पणी हेर्नुहोस्।) (६) हाम्रो मसीही भ्रातृत्वको ठूलो चिनारी हामी सबैले कस्तो व्यावहारिक ढंगमा प्रदर्शित गर्न सक्छौं? (यूह. १३:३५) (७) हाम्रो मण्डलीका सभाहरूको हामीले कत्तिको मूल्यांकन गर्नुपर्छ? (८) पहिला-पहिला राज्यभवन नभएकाहरूको अहिले आफ्नै राज्यभवन हुँदा त्यसले कस्तो असर पारेको छ? (९) प्रतिबन्ध लागेको समयमा पनि पूर्वीय युरोप र रूसका भाइहरू कसरी आध्यात्मिक तवरमा सक्रिय रहन सके? (१०) अहिले पनि अधिवेशनहरूमा उपस्थित हुन धेरैजसो साक्षीहरूले कस्तो असाधारण प्रयत्न गर्छन् र किन? यो तपाईंलाई कत्तिको हृदयस्पर्शी लाग्यो? (११) एकताबद्ध भएर उपासना गर्न, खाँचोमा परेको बेला अरूलाई मदत गर्न अनि कुनै पनि बेला र जस्तोसुकै अवस्थामा पनि विश्वासी भई उपासना गर्न तपाईं किन कटिबद्ध हुनुहुन्छ? (१२) सकेसम्म धेरै इच्छुक व्यक्तिहरूलाई यो भिडियो देखाउनु किन उपयुक्त होला?