तपाईंले नो ब्लड—मेडिसिन मिट्स द च्यालेन्ज भन्ने भिडियो हेर्नै पर्छ
रक्तविहीन उपचारको क्षेत्रमा उपलब्ध विकल्पहरूबारे तपाईंलाई कत्तिको जानकारी छ? रक्तक्षेपणका केही विकल्पहरू के-के हुन् र ती विकल्पहरूले कसरी काम गर्छ, के तपाईंलाई थाह छ? यो भिडियो हेर्नुहोस् र निम्न प्रश्नहरू सोधेर आफ्नो ज्ञान जाँच्नुहोस्।—सूचना: यस भिडियोमा शल्यक्रिया गरेका छोट-छोटो दृश्यहरू पनि समावेश गरिएको कारण आमाबाबुहरूले आफ्ना साना छोराछोरीहरूसित यो भिडियो हेर्दा विवेक चलाउनुपर्छ।
(१) यहोवाका साक्षीहरूले रक्तक्षेपण इन्कार गर्नुको मुख्य कारण के हो र बाइबलमा त्यो सिद्धान्त कहाँ पाइन्छ? (२) स्वास्थ्योपचारको सन्दर्भमा हामी के चाहन्छौं? (३) बिरामीहरूको कस्तो मौलिक अधिकार हुन्छ? (४) रक्तक्षेपण इन्कार गर्नु किन विचारणीय तथा गहन जिम्मेवारी हो? (५) धेरै रगत बगेमा डाक्टरहरूले तुरुन्त चाल्न सक्ने दुईवटा कदमहरू के-के हुन्? (६) रक्तक्षेपण गर्दा कस्ता स्वास्थ्य समस्याहरू आइपर्न सक्छन्? (७) शल्यक्रियाको दौडान धेरै रगत बग्न नदिन शल्य-चिकित्सकहरूसित कस्ता साधनहरू उपलब्ध छन्? (८) रक्तक्षेपणका विकल्पबारे तपाईं कस्तो जानकारी चाहनुहुन्छ? (९) के गम्भीर तथा जटिल शल्यक्रियाहरू पनि रक्तक्षेपणविना गर्न सकिन्छ? (१०) यहोवाका साक्षीहरूका लागि के गर्न इच्छुक चिकित्सकहरूको संख्या बढ्दो छ र सबै बिरामीहरूको लागि अन्ततः कस्तो स्तर बन्न सक्छ?
रगतप्रतिको हाम्रो अडानबारे सोधपुछ गर्ने कुनै पनि बाइबल विद्यार्थी, अर्कै धर्म मान्ने साथी वा छिमेकी, सहकर्मी, शिक्षक-शिक्षिका तथा सहपाठीहरूसित नो ब्लड भिडियो हेर्नु पक्कै लाभदायी हुनेछ। भिडियोमा देखाइएका कुनै पनि उपचार स्वीकार्ने कि नस्वीकार्ने भन्ने कुरा व्यक्तिविशेषले आफ्नो अन्तस्करणअनुरूप निर्णय गर्ने कुरा हो।—जून १५ र अक्टोबर १५, २००० को प्रहरीधरहरा लेखहरूमा दिइएको “पाठकहरूका प्रश्नहरू” हेर्नुहोस्।