उच्चस्तरीय स्वास्थ्योपचार के हो?
“रक्तविहीन औषधोपचार खोज्ने व्यक्तिले वास्तवमा उच्चस्तरीय उपचार पाउँछ।” यो हो, एनेस्थेसियोलोजिस्ट अनि चिकित्सा निर्देशक डा. माइकल रोजको भनाइ। कुन-कुन उपचार विधि तथा रक्तक्षेपणका विकल्पहरूलाई “रक्तविहीन औषधोपचार” भन्ने नाउँ दिन सकिन्छ? कुनै उपचार वा शल्यक्रिया गर्नुअघि राम्ररी सोचेर बुझेर निर्णय गर्न तपाईंलाई यस प्रश्नको जवाफ थाह हुनै पर्छ। कृपया नो ब्लड—मेडिसिन मिट्स द च्यालेन्ज भिडियो हेर्नुहोस्। त्यसपछि, निम्न प्रश्नहरूको मदत लिएर आफूसित रक्तविहीन उपचारबारे पर्याप्त ज्ञान छ/छैन जाँच्नुहोस्।—नोट: भिडियोमा शल्यक्रियाका छोटा दृश्यहरू भएकोले आमाबाबुले आफ्ना कलिला केटाकेटीलाई भिडियो देखाउँदा विचार पुऱ्याउनुपर्छ।
(१) यहोवाका साक्षीहरूले रक्तक्षेपण अस्वीकार गर्नुको मुख्य कारण के हो? (२) यहोवाका साक्षीहरू कस्तो उपचार चाहन्छन्? (३) बिरामीको मौलिक अधिकार भनेको के हो? (४) रक्तक्षेपणका विकल्पहरूको माग गर्नु किन बुद्धिमानी वा जिम्मेवारपूर्ण निर्णय हो? (५) रगत धेरै बगेको बेला डाक्टरहरूले तुरुन्तै चाल्नुपर्ने दुई वटा कदम के-के हुन्? (६) वैकल्पिक उपचारका चार वटा सिद्धान्तहरू के-के हुन्? (७) डाक्टरले निम्न लक्ष्य हासिल गर्न के गर्न सक्छन्? (क) रगत धेरै बगेर जान नदिने (ख) रातो रक्तकोष खेर जान नदिने (ग) शरीरमा अझ धेरै रगत उत्पादन गर्ने (घ) खेर जान सक्ने रगतलाई पुनः प्रयोग गर्ने (८) निम्न दुई उपचारबारे बताउनुहोस्: (क) हेमोडाइलुसन र (ख) सेल साल्भेज। (९) रक्तक्षेपणका कुनै पनि विकल्पबारे तपाईंले कस्तो जानकारी माग्नुपर्छ? (१०) के रगत नलिईकन जटिल अनि गम्भीर किसिमका शल्यक्रियाहरू हुनसक्छन्? (११) चिकित्सा क्षेत्रमा कस्तो सकारात्मक प्रगति हुँदैछ?
यस भिडियोमा प्रस्तुत गरिएका केही उपचारहरू स्वीकार गर्ने वा नगर्ने हरेक व्यक्तिले बाइबल प्रशिक्षित अन्तस्करणअनुसार निर्णय गर्नुपर्छ। के तपाईंले आफू अनि आफ्नो छोराछोरीका लागि रक्तक्षेपणका विकल्पहरू रोजिसक्नुभयो? परिवारका अरू सदस्यहरू यहोवाका साक्षी नभए तापनि आफ्नो निर्णयबारे कारणसहित उनीहरूलाई बताउनुपर्छ।—जून १५, २००४ अनि अक्टोबर १५, २००० अंकको प्रहरीधरहरा-को “पाठकहरूको प्रश्न” हेर्नुहोस्।