अक्टोबर महिनामा के तपाईं बाइबल अध्ययन सुरु गर्नुहुनेछ?
१. अक्टोबर महिनामा हामी के प्रस्तुत गर्नेछौं?
१ अक्टोबर महिनामा हामी प्रहरीधरहरा र अवेक! पत्रिका प्रस्तुत गर्नेछौं। चासो देखाएकाहरूलाई फेरि भेट्न जाँदा के तपाईं यी प्रश्नहरूको जवाफ चाहनुहुन्छ? पर्चा प्रस्तुत गर्न र बाइबल अध्ययन सुरु गर्ने प्रयास गर्न हामीलाई प्रोत्साहन दिइन्छ। पुनःभेट गर्दा हामी यो कसरी गर्न सक्छौं?
२. पत्रिका स्वीकारेका व्यक्तिलाई पुनःभेट गर्न जाँदा बाइबल अध्ययन सुरु गर्न जवाफ चाहनुहुन्छ? पर्चा कसरी प्रयोग गर्न सक्छौं?
२ यो पर्चा कसरी प्रयोग गर्ने?: हामी यसो भन्न सक्छौं: “मैले तपाईंलाई छोडेको पत्रिकाले सबै पृष्ठभूमि र धर्मका मानिसलाई बाइबलको जाँच गर्न प्रोत्साहन दिन्छ। [घरधनीलाई जवाफ चाहनुहुन्छ? पर्चा दिनुहोस् र पहिलो पृष्ठमा भएका प्रश्नहरू देखाउनुहोस्।] बाइबलले यस्ता चाखलाग्दा प्रश्नहरूको चित्तबुझ्दो जवाफ दिन्छ। तपाईंले कहिल्यै यीमध्ये कुनै प्रश्न सोध्नुभएको थियो कि?” घरधनीको प्रतिक्रिया पाएपछि तिनले सोधेको एउटा प्रश्नको जवाफ पर्चाबाट सँगै मिलेर छलफल गर्नुहोस् र उल्लेख गरिएको एउटा शास्त्रपद पढ्नुहोस्। त्यसपछि, यो त बाइबलले सिकाउने कुराहरूको एउटा सानो उदाहरण मात्र हो भनी बताउनुहोस् र तिनलाई बाइबलले सिकाउँछ किताब दिनुहोस्। त्यसपछि तिनले विषयसूचीबाट छानेको अध्यायका सुरुका अनुच्छेदहरू छलफल गर्न सक्छौं। अथवा पर्चाबाट हामीले छलफल गरेको विषयबारे विस्तृत जानकारी कुन अध्यायमा दिइएको छ, त्यसबाट छलफल गर्न सक्छौं। हामीले प्रयोग गर्न सक्ने सामग्री यसप्रकार छन्:
● के ईश्वरलाई साँच्चै हाम्रो चासो छ?
● के युद्ध अनि दुःखकष्ट सधैं भइरहन्छन्?
● मृत्युपछि हाम्रो अवस्था कस्तो हुन्छ?
● मरिसकेकाहरूलाई फेरि भेट्न पाइएला?
● प्रार्थना कसरी गर्ने अनि ईश्वर कस्तो प्रार्थना सुन्छन्?
● साँचो आनन्द म कसरी पाउन सक्छु?
३. परिस्थितिअनुसार हामी आफ्नो प्रस्तुतिलाई कसरी छाँटकाँट गर्न सक्छौ?
३ हो, पहिलो पुनःभेटमै बाइबलले सिकाउँछ किताबबाट अध्ययन सुरु गर्न र देखाउन परिस्थितिले दिंदैन भने हामी फेरि-फेरि गएर भेट्ने र छलफललाई निरन्तरता दिइरहने प्रबन्ध सधैं मिलाउन सक्छौं। अनि ती व्यक्तिको चासो कस्तो छ त्यसको आधारमा बाइबलले सिकाउँछ किताब प्रस्तुत गर्नुअगावै केही भेटमा जवाफ चाहनुहुन्छ? पर्चाको एकभन्दा धेरै प्रश्नहरू छलफल गर्ने निर्णय गर्न पनि सक्छौं। बाइबल अध्ययन सुरु गर्न र इमानदार हृदय भएकाहरूलाई ‘सत्य जान्न’ मदत गर्न अक्टोबर महिनामा हामी यो उपयोगी पर्चा सदुपयोग गर्न सकौं। — यूह. ८:३१, ३२.