प्रचार गर्नुपर्ने १२ कारण
हामी किन घर-घरै प्रचार गर्छौं र मानिसहरूलाई बाइबल अध्ययन गराउँछौं? मुख्यतया निष्कपट मानिसहरूलाई जीवनको बाटोमा हिंड्न मदत गर्नको लागि नै हो नि, होइन र? (मत्ती ७:१४) तल दिइएको सूचीको पहिलो कारण यही नै हो तर प्रमुख कारण भने होइन। तपाईंलाई तल दिइएका १२ कारणमध्ये प्रचार गर्नुपर्ने मुख्य कारण कुन हो जस्तो लाग्छ?
१. प्रचार गर्दा मानिसहरूको जीवन जोगिन्छ। —यूह. १७:३.
२. दुष्टले चेतावनी पाउँछ।—इज. ३:१८, १९.
३. बाइबल भविष्यवाणी पूरा हुन्छ।—मत्ती २४:१४.
४. परमेश्वरले निर्धारण गरेको स्तर प्रस्ट हुन्छ। उहाँले दुष्टहरूलाई नाश गर्नुअघि पश्चाताप गर्ने मौका दिनुभएन भनेर कसैले भन्न पाउने छैन। —प्रेषि. १७:३०, ३१; १ तिमो. २:३, ४.
५. येशूको रगतद्वारा किनिएका मानिसहरूलाई परमेश्वरसित नजिक हुन मदत गर्ने हाम्रो जिम्मेवारीलाई पूरा गर्न मदत पाउँछौं। —रोमी १:१४, १५.
६. रक्तदोषी नहुने मौका पाउँछौं। —प्रेषि. २०:२६, २७.
७. हामीले पनि उद्धार पाउने हो भने प्रचार गर्नु अत्यावश्यक छ।—इज. ३:१९; रोमी १०:९, १०.
८. प्रचार गर्दा छिमेकीप्रतिको हाम्रो प्रेम देखिन्छ। —मत्ती २२:३९.
९. यहोवा र उहाँको छोराप्रति हामी आज्ञाकारी छौं भनेर स्पष्ट हुन्छ।—मत्ती २८:१९, २०.
१०. प्रचारकार्य हाम्रो उपासनाको भाग हो। —हिब्रू १३:१५.
११. प्रचार गर्दा परमेश्वरप्रतिको हाम्रो प्रेम प्रकट हुन्छ। —१ यूह. ५:३.
१२. प्रचारकार्यले यहोवाको नाम पवित्र पार्न योगदान पुऱ्याउँछ।—यशै. ४३:१०-१२; मत्ती ६:९.
माथि दिइएका कारणले मात्र हामीले प्रचार गरेका होइनौं। प्रचार गर्दा हाम्रो विश्वास पनि बलियो हुन्छ र परमेश्वरको सहकर्मी हुने विशेष मौका पनि पाउँछौं। (१ कोरि. ३:९) तर प्रचार गर्नुपर्ने सबैभन्दा महत्त्वपूर्ण कारण १२ नम्बरमा दिइएको छ। मानिसहरूले सुने पनि वा नसुने पनि घर-घरको प्रचारले परमेश्वरको नाम पवित्र पार्न योगदान पुऱ्याउँछ र यहोवाले उहाँको आलोचना गर्नेलाई मुखभरिको जवाफ दिने मौका पाउनुहुन्छ। (हितो. २७:११) “सिकाउन र . . . सुसमाचार घोषणा गर्न बन्द” नगर्ने सशक्त कारण हामीले पाएका छौं।—प्रेषि. ५:४२.