स्मरणार्थ उत्सवको दौडान यहोवा परमेश्वर र येशूको जोसको अनुकरण गर्नुहोस्।
१. स्मरणार्थको समयमा यहोवाका साक्षीहरूले के गर्ने विशेष प्रयास गर्छन्?
१ यहोवा परमेश्वर आफ्नो उद्देश्य पूरा गर्न जोसिलो हुनुहुन्छ। परमेश्वरको राज्यले ल्याउने केही आशिष्बारे बताउँदा यशैया ९:७ मा यस्तो लेखिएको पाउँछौं: “सेनाहरूका परमप्रभुको उत्तेजित जोसले यो गर्नेछ।” त्यसैगरि येशू पृथ्वीमा हुनुहुँदा साँचो उपासनाको लागि उहाँले निकै जोस देखाउनुभएको थियो। (यूह. २:१३-१७; ४:३४) प्रत्येक वर्ष स्मरणार्थको समयमा संसारभरिका लाखौं प्रकाशकले यहोवा परमेश्वर र येशूको जोसको अनुकरण गर्ने विशेष प्रयास गर्छन्। यसका लागि तिनीहरू धेरैभन्दा धेरै समय प्रचारकार्यमा बिताउँछन्। के तपाईं पनि तिनीहरूमध्ये हुन चाहनुहुन्छ?
२. जोसिलो भयौं भने मार्च ७ देखि सुरु हुने अभियानमा हामी के गर्न उत्प्रेरित हुनेछौं?
२ स्मरणार्थको दौडान हुने अभियान: यस वर्ष स्मरणार्थको अभियान शनिबार, मार्च ७ देखि सुरु हुनेछ। प्रचारमा जोसिलो भई भाग लिन अहिले नै योजना बनाउनुहोस्। स्मरणार्थको उत्सवको बेला धेरै भन्दा धेरै इलाका ढाक्न मण्डलीका सदस्यहरू जोसिलो हुनेछन्। आफ्ना बाइबल विद्यार्थी, पुनःभेट, सहकर्मी, नातेदार, र सहपाठीलाई निम्तो पर्ची दिएर वा हाम्रो बेवसाइटको प्रयोग गरेर त्यस उत्सवमा बोलाउने विशेष प्रयास गर्नुहोस्।
३. मार्च र अप्रिल महिनामा यहोवाको सेवा अझ धेरै गर्न हामी के गर्न सक्छौं?
३ सहायक अग्रगामी सेवा: जोसले हामीलाई यहोवाको सेवामा अझ धेरै समय बिताउन उत्प्रेरित गर्नेछ। मार्च र अप्रिल महिनामा धेरैले सहायक अग्रगामी गर्नेछन्। किनभने यी महिनाहरूमा ३० घण्टाको सहायक अग्रगामी सेवा गर्ने सुअवसर छ। पारिवारिक उपासना वा व्यक्तिगत अध्ययन गर्दा तपाईंले सहायक अग्रगामी सेवा गर्न सकिन्छ कि भनेर सोच्नुहोस्। (हितो. १५:२२) तपाईंको जोसले मण्डलीका दाजुभाइ दिदीबहिनीहरूलाई पनि जोसिलो हुन मदत गर्नेछ। सेवाको काम अझ धेरै गर्न आफ्नो व्यक्तिगत तालिकामा छाँटकाँट गर्नुभयो भने तपाईंले येशूको जोसको अनुकरण गरिरहनुभएको हुनेछ।—मर्कू. ६:३१-३४.
४. यहोवा परमेश्वर अनि येशूको जोसको अनुकरण गर्दा हामीले कस्ता इनाम पाउनेछौं?
४ स्मरणार्थ उत्सवको दौडान यहोवा परमेश्वर र येशूको जोसको अनुकरण गर्दा हामीले प्रशस्तै इनाम पाउनेछौं। इलाकाका अझ धेरै मानिसहरूले साक्षी पाउनेछन्। यहोवाको सेवा गर्दा अनि अरूहरूलाई दिंदा पाइने आनन्द र सन्तुष्टि हामीले महसुस गर्नेछौं। (प्रेषि. २०:३५) सबैभन्दा महत्त्वपूर्ण कुरा, हामीले जोसिलो परमेश्वर यहोवा अनि उहाँको छोरालाई खुसी बनाउन सक्नेछौं।