ख्रिष्टियन जीवन
मौलिक गीतहरूबाट हामी के सिक्न सक्छौँ?
तपाईँलाई सबैभन्दा मनपर्ने केही मौलिक गीतहरू कुन-कुन हुन्? किन? के तपाईँले ती गीतका भिडियोहरू हाम्रो दैनिक जीवनसित मिल्दोजुल्दो पाउनुभएको छ? मौलिक गीतहरू विभिन्न विषयमा आधारित छन् अनि सङ्गीत र धुनहरू पनि थरीथरीका छन्। त्यसैले आफूलाई मन पर्ने कुनै न कुनै गीत सबैले भेट्टाउन सक्छन्। तथापि ती गीतहरू र भिडियोहरूले हामीलाई केवल मनोरञ्जन मात्र दिँदैनन्।
प्रत्येक मौलिक गीतले हामीलाई ख्रिष्टियन जीवन र साक्षीकार्यमा लागू गर्न सकिने व्यावहारिक पाठहरू सिकाउँछ। केही गीतहरूले अतिथि-सत्कार, एकता, मित्रता, साहस, प्रेम र विश्वासजस्ता विषयहरूलाई समेटेका छन्। केही गीतहरूमा भने यहोवाकहाँ फर्किन, एकअर्कालाई क्षमा दिन, दैनिक जीवनमा सत्यनिष्ठा कायम राख्न अनि आध्यात्मिक लक्ष्यहरूको पछि लाग्न प्रोत्साहन दिइएको छ। मोबाइल फोन प्रयोग गर्ने सन्दर्भमा सन्तुलित हुन प्रोत्साहन दिने मौलिक गीत पनि छ। मौलिक गीतहरूबाट तपाईँले अरू कस्ता व्यावहारिक पाठहरू सिक्नुभएको छ?
भोलिको चिन्ता गर्दिनँ कहिल्यै विषयको मौलिक गीतको भिडियो हेर्नुहोस् अनि निम्न प्रश्नहरूको जवाफ दिनुहोस्:
भिडियोमा देखाइएको परिवारले कस्ता चुनौतीहरूको सामना गरिरहेको थियो?
यहोवामाथि भरोसा गरेको कुरा हामी आफ्नो दैनिक जीवनमा कसरी देखाउन सक्छौँ?
अहिले भोगिरहेका परीक्षाहरू र चिन्ता-फिक्रीको सामना गर्न हामीलाई केले मदत गर्छ?—फिलि ४:६, ७; मत्ति ६:३३