ख्रिष्टियन जीवन
अन्त नजिकिँदै जाँदा साहसी हुनुहोस्
यसो गर्नु किन महत्त्वपूर्ण छ? अब चाँडै पहिला कहिल्यै नभएको आश्चर्यजनक घटनाहरू हुनेछन् अनि हाम्रो साहस र यहोवामाथिको भरोसाको जाँच हुनेछ। झूटो धर्मको विनाशसँगै महासङ्कष्ट सुरु हुनेछ। (मत्ति २४:२१; प्रका १७:१६, १७) त्यो गन्जागोलपूर्ण समयको दौडान हामीले न्यायको कडा सन्देश सुनाउनुपर्ने हुन सक्छ। (प्रका १६:२१) हामीमाथि मागोगको गोगले आक्रमण गर्नेछ। (इज ३८:१०-१२, १४-१६) त्यसपछि यहोवाले आफ्ना सेवकहरूलाई जोगाउन “सर्वशक्तिमान् परमेश्वरको महान् दिनको लडाइँ” सुरु गर्नुहुनेछ। (प्रका १६:१४, १६) भविष्यमा हुने यी घटनाहरूको लागि साहस जुटाउन अहिले हाम्रो विश्वासको जाँच हुँदा वफादार रहनुपर्छ।
हामी कसरी यसो गर्न सक्छौँ?
यहोवाको उच्च नैतिक स्तरको पक्षमा साहसी भई खडा हुनुहोस् र त्यसैअनुसार जिउनुहोस्।—यसै ५:२०
ख्रिष्टियन भाइबहिनीसित मिलेर उपासना गरिरहनुहोस्।—हिब्रू १०:२४, २५
यहोवाको सङ्गठनले दिने निर्देशन तुरुन्तै पालन गर्नुहोस्।—हिब्रू १३:१७
विगतमा यहोवाले आफ्ना जनहरूलाई कसरी जोगाउनुभयो, त्यसबारे मनन गर्नुहोस्।—२प २:९
यहोवालाई प्रार्थना गर्नुहोस् र उहाँमा भरोसा राख्नुहोस्।—भज ११२:७, ८
भविष्यमा हुने घटनाहरू, जसको लागि साहस चाहिन्छ—एक झलक भिडियो हेर्नुहोस् अनि निम्न प्रश्नहरूको जवाफ दिनुहोस्:
आफ्नो मण्डली अरू मण्डलीहरूसित गाभिने बेला प्रकाशकहरूले आज्ञाकारी हुने सन्दर्भमा कस्तो परीक्षाको सामना गरे?
साहस र विश्वास कसरी एकअर्कासित सम्बन्धित छ?
आरमागेडोन आउँदा किन साहस चाहिन्छ?
भविष्यमा साहसको आवश्यकता पर्ने घटनाहरूको सामना गर्न अहिल्यै तयारी गर्नुहोस्
यहोवाले हाम्रो उद्धार गर्नुहुन्छ भन्ने कुरामा विश्वास बढाउन कुन बाइबल विवरणले मदत गर्छ?—२इ २०:१-२४