ख्रिष्टियन जीवन
के तपाईँ यहोवाको लागि आफ्नो समय र शक्ति दिन सक्नुहुन्छ?
यसैयाले भविष्यवाणी गरेझैँ हामीले यहोवाको सङ्गठनमा सोचेभन्दा धेरै वृद्धि भइरहेको देख्दै छौँ। (यसै ५४:२) यसले गर्दा नयाँ सभाभवन, सम्मेलन भवन र शाखा भवनको आवश्यकता परेको छ। ती भवनहरूको निर्माण गरिएपछि त्यसको मर्मतसम्भार गर्नुपर्ने र समयको दौडान कुनै-कुनै भवन पुनर्निर्माण गर्नुपर्ने हुन्छ। यस्तो बेला हामीले यहोवाको निम्ति समय र शक्ति दिने कस्तो मौका पाउँछौँ?
हाम्रो क्षेत्र सेवा समूहको सभाभवन सफा गर्ने पालो परेको बेला त्यसमा सहभागी हुन सक्छौँ
सभाभवन मर्मतसम्भार गर्न दिइने तालिममा भाग लिन सक्छौँ
हामीले स्थानीय डिजाइन/निर्माण स्वयम्सेवा आवेदन फारम (DC-50) भरेर बेलाबेलामा हाम्रो घरनजिकै हुने निर्माण तथा मर्मतसम्भार परियोजनालाई सहयोग गर्न सक्छौँ
हामी स्वयम्सेवा कार्यक्रमको आवेदन फारम (A-19) भर्न सक्छौँ र हाम्रो शाखाको इलाकामा बेथेल वा अन्य भवनहरूमा एक हप्ता वा सोभन्दा बढी स्वयम्सेवा गर्न सक्छौँ
नयाँ बेथेल भवन निर्माण परियोजना—एक झलक भिडियो हेर्नुहोस् अनि निम्न प्रश्नहरूको जवाफ दिनुहोस्:
सन् २०१४ यता भिडियोहरूको प्रयोगमा कस्तो उल्लेखनीय वृद्धि भएको छ?
भिडियोहरूको आवश्यकतालाई ध्यानमा राखेर कस्तो योजना बनाइएको छ र यो निर्माणकार्य कति समयको लागि चल्नेछ?
यो परियोजनामा हामी कसरी स्वयम्सेवा गर्न सक्छौँ?
यदि हामी रामापोमा हुने निर्माणकार्यमा भाग लिन चाहन्छौँ भने हामीले किन आवेदन फारम (DC-50) भर्नुपर्छ अनि हाम्रो घरनजिकैको स्थानीय डिजाइन/निर्माणकार्य परियोजनामा सहयोग गर्नुपर्छ?
यहोवाले यो परियोजनालाई डोऱ्याउँदै हुनुहुन्छ भन्ने कस्तो प्रमाण छ?
हामीले व्यक्तिगत तवरमा सहयोग गर्न नसके तापनि कसरी यो परियोजनालाई सफल बनाउन योगदान दिन सक्छौँ?