ख्रिष्टियन जीवन
दिदीबहिनीहरूले यहोवाको सेवामा कसरी अझ धेरै गर्न सक्छन्?
दिदीबहिनीहरूले राज्य गतिविधिमा अमूल्य योगदान पुऱ्याउँछन्। (भज ६८:११) धेरैजसो गृह बाइबल अध्ययनहरू दिदीबहिनीहरूले सञ्चालन गर्छन्। धेरैजसो नियमित अग्रगामीहरू दिदीबहिनीहरू नै हुन्। हजारौँ मेहनती दिदीबहिनीहरू बेथेल सेवक, मिसनरी, निर्माण स्वयंसेवक, निर्माण सेवक र अनुवादकहरूको रूपमा सेवा गर्छन्। परिपक्व दिदीबहिनीहरूले आफ्नो परिवार र मण्डलीलाई बलियो बनाउन मदत गर्छन्। (हित १४:१) हुनत उनीहरूले एल्डर वा सहायक सेवकको रूपमा सेवा गर्न पाउँदैनन् तैपनि मण्डलीमा लक्ष्यहरू भने राख्न सक्छन्। तपाईँ बहिनी हुनुहुन्छ भने यहोवाको सेवामा अझ धेरै गर्न सक्ने केही तरिकाहरू के-के हुन्?
आफ्नो मण्डलीका कम अनुभवी दिदीबहिनीहरूलाई मदत गर्नुहोस्।—ति २:३-५
साक्षीकार्यमा अझ धेरै समय बिताउने र अझ प्रभावकारी हुने कोसिस गर्नुहोस्।
अर्कै भाषा सिक्नुहोस्।
आवश्यकता धेरै भएको ठाउँमा सर्नुहोस्।
बेथेल सेवाको लागि वा ईश्वरतान्त्रिक गतिविधिको लागि प्रयोग गरिने भवनहरूको निर्माणकार्यमा भाग लिनको लागि आवेदन दिनुहोस्।
राज्यप्रचारकहरूका लागि स्कुलको लागि आवेदन दिनुहोस्।
“प्रभुमा कडा परिश्रम गरिरहेका स्त्रीहरू” भिडियो हेर्नुहोस् अनि दिइएको प्रश्नको जवाफ दिनुहोस्:
दिदीबहिनीहरूले भन्नुभएका कुराहरूबाट तपाईँले कस्तो प्रोत्साहन पाउनुभयो?