ख्रिष्टियन जीवन
के तपाईँ हुलदङ्गा मच्चिँदा सुरक्षित रहन तयार हुनुहुन्छ?
यस युगको अन्त नजिकिँदै जाँदा हुलदङ्गा, आतङ्कवाद अनि युद्ध अझै बढ्नेछ। (प्रका ६:४) यस्ता चुनौतीहरूको सामना गर्न हामी कसरी तयारी गर्न सक्छौँ?
वफादार रहिरहन तयारी गर्नुहोस्: यहोवा र उहाँको सङ्गठनमाथिको भरोसालाई बलियो बनाउन र तटस्थ रहन मदत गर्ने बाइबल विवरणहरू अनि सिद्धान्तहरू खोज्नुहोस्। (हित १२:५; jr-E पृ. १२५-१२६ अनु. २३-२४) मण्डलीका दाजुभाइ दिदीबहिनीसित घनिष्ठ मित्रता गाँस्ने समय अहिल्यै हो।—१प ४:७, ८
सुरक्षित रहिरहन तयारी गर्नुहोस्: सुरक्षित रहनको निम्ति घरको कुन ठाउँमा लुक्ने भनेर योजना बनाउनुहोस् र आवश्यक सरसामानहरू पनि राख्नुहोस्। घरमा बस्न सुरक्षित भएन भने कहाँ जाने भनेर पहिल्यै योजना बनाउनुहोस्। झटपट झोलामा पन्जा, मास्क, पैसा अनि कागजपत्रजस्ता आवश्यक सरसामान छ कि छैन भनेर पक्का गर्नुहोस्। तपाईँ एल्डरहरूलाई कसरी सम्पर्क गर्न सक्नुहुन्छ थाह पाइराख्नुहोस् र तिनीहरूले पनि तपाईँलाई कसरी सम्पर्क गर्न सक्छन् भनेर थाह दिनुहोस्।—यसै ३२:२; g१७.५ पृ. ३-७
हुलदङ्गा मच्चिँदा आध्यात्मिक तालिका कायम राख्नुहोस्। (फिलि १:१०) घरमै बस्नु सुरक्षित छ भने अन्त कतै नजानुहोस्। (मत्ति १०:१६) आफूसँग भएको खानेकुरा अनि अन्य सरसामान बाँडचुँड गर्नुहोस्।—रोमी १२:१३.
के तपाईँ विपद्को सामना गर्न तयार हुनुहुन्छ? भिडियो हेर्नुहोस् अनि निम्न प्रश्नहरूको जवाफ दिनुहोस्:
विपद्को बेला यहोवा हामीलाई कसरी मदत गर्न सक्नुहुन्छ?
हामी के-कस्तो तयारी गर्न सक्छौँ?
विपद्को मारमा परेकाहरूलाई हामी कसरी मदत गर्न सक्छौँ?