अध्ययनका लागि सुझाव
हरेक दिन बाइबल पढ्नुहोस्
हरेक दिन विभिन्न काम गर्नुपर्ने भएकोले के तपाईँलाई बाइबल पढ्ने समय निकाल्न गाह्रो भइरहेको छ? (यहो. १:८) त्यसो हो भने यीमध्ये कुनै सुझाव लागू गरेर हेर्नुहोस्:
रिमाइन्डर राख्नुहोस्। बाइबल पढ्ने समय तोक्नुहोस् र त्यसको लागि फोनमा अलार्म राख्नुहोस्।
आफ्नो बाइबल देखिने ठाउँमा राख्नुहोस्। यदि तपाईँ बाइबल पढ्न छापिएकै प्रति प्रयोग गर्नुहुन्छ भने त्यो सजिलै देख्ने ठाउँमा राख्नुहोस्।—व्यव. ११:१८.
अडियो रेकर्डिङ सुन्नुहोस्। तपाईँ दैनिक कामकुरा गर्दा यी रेकर्डिङहरू सुन्न सक्नुहुन्छ। तारा एक आमा हुन् र उनी अग्रगामी पनि गर्दै छिन्। उनी राती काम गर्छिन्। उनी भन्छिन्: “म घरको काम गर्दा बाइबलको अडियो रेकर्डिङहरू सुन्ने गर्छु। यसले गर्दा मैले हरेक दिन बाइबल पढ्न सकेकी छु।”
हरेस नखानुहोस्। अपर्झट आएको कुनै कुराले गर्दा तपाईँले तालिकाअनुसारै बाइबल पढ्न सक्नुभएन भने सुत्नुअघि केही पदहरू मात्र भए पनि पढ्नुहोस्। यसो गर्नुभयो भने धेरै लाभ उठाउन सक्नुहुनेछ।—१ पत्रु. २:२.