Shoka tatu vulu okutya ngele tatu gandja iifo

Oshungolangelo 1 Kotoba

“Mbela kunena aantu ayehe oye na ngaa ombili nooyakwawo? [Tegelela a yamukule.] Tala shoka Ombiimbeli tayi ti. [Lesha Aaroma 12:18.] Moshifo shika omu na oshitopolwa shoka tashi gandja uuyelele nkene tu na okukala nombili naantu ayehe.” Mu ulukila oshitopolwa shoka tashi tameke pepandja 15.

Kotoba

“Omaukwanegumbo ogendji kunena oga taalelwa komaupyakadhi ogendji. Hasho mbela? [Tegelela a yamukule.] Aantu oyendji inaaya tseya kutya mOmbiimbeli omu na omayele taga longo. Tala koshiholelwa shimwe.” [Lesha enyolo limwe okuza moshifo.] O-Awake! ndjika oya nuninwa owina okukwathela uukwanegumbo wu mone nkene Ombiimbeli tayi vulu oku wu kwathela wu pondole.

Oshungolangelo 1 Novomba

“Atuheni ohatu adhika komaudhigu monkalamwenyo. [Popya gamwe ngoka ga lunda moshitopolwa sheni.] Mbela sho to dhiladhila Kalunga ote ke tu kwathela ngaa ngele tu li mugo? [Tegelela a yamukule.] Jesus okwa popya omukalo gumwe nkene Kalunga he tu kwathele. [Lesha Lukas 11:13.] Oshifo shika otashi yelitha kutya ombepo ondjapuki oshike nankene hayi tu kwathele.”

Novomba

“Aantu oyendji kunena oye na oongodhi dhopeke nookompiuta. Mbela sho to tala iilongitho mbyoka ohayi tu kwathele tu longithe ethimbo lyetu nawa nenge ohayi li hepeke? [Tegelela a yamukule.] Oyendji otaye shi zimine kutya otwa pumbwa okulongitha ethimbo lyetu nawa. [Lesha Aaefeso 5: 15, 16.] Oshifo shika otashi popi nkene tatu vulu okulongitha iilongitho yoshinanena nondjele nomomukalo omwaanawa.”