Oshikonga shoka tashi eta iizemo iiwanawa

Manga ku na iiwike itatu oshigongi shi tameke omagongalo otaga ka kutha ishewe ombinga moshikonga ga hiye aantu mboka tayu ulike ohokwe moshitopolwa shawo ye ye koshigongi. Oshikonga shika shokomumvo osha simana. Mboka haya taamba ko ehiyo nokukala po poshigongi olundji ohaya kala ya kuminwa iipopiwa yopamanyolo mbyoka hayi gandjwa po, iikondo yu unganekwa nawa tamu longwa owala kaaiyambi nosho wo komikalo omiwanawa nokuukumwe wetu. (Eps. 110:3; 133:1; Jes. 65:13, 14) Ihe nonando ongaaka, mbela aantu ohaye ya ngaa uuna twe ya hiya sho tatu ningi oshikonga, unene tuu miitopolwa moka aantu ye na okweenda iinano iile opo ye ye koshigongi?

Konima yoshigongi shoshitopolwa sho 2011, oshitayimbelewa osha li sha yakula ontumwafo ya za komukulukadhi ngoka a li a adha okambapila kehiyo kohi yomweelo gwe. Shito oha holama uuna Oonzapo tadhi konkola pomweelo gwe. Okwa ti: “Ondi na egumbo ewanawa, omusamane e li nawa nonda li handi dhiladhila kutya ondi na kehe shimwe shoka tashi vulu okunyanyudha ndje. Shi nikitha oluhodhi kanda li ndi na enyanyu, nonkalamwenyo yandje kaya li yi na elalakano lyasha. Onkee ano, onda tokola okuhinga ookilometa 320, opo ndi ka kale po poshigongi mOlyomakaya.” Okwa li a nyanyukilwa oshigongi noonkondo e ta dhengele omusamane gwe e mu lombwele kutya ota lala, opo a kale po natango poshigongi mOsoondaha. Okwa ti: “Onda li nda pulakene kiipopiwa ayihe e tatu tseyathana nOonzapo dhaJehova odhindji nokanda li nda hala oshigongi shi pwe.” Konima sho a shuna kegumbo, okwa tameke okukonakona nokonima yoomwedhi ne okwa ningi omuuvithi inaa ninginithwa. “Onda nyanyukwa sho nda li nda a dha okafo kehiyo kohi yomweelo gwandje, molwaashoka ngashingeyi onkalamwenyo yandje oyi na elalakano lyashili.”

Yamwe mboka taya ka taamba uufo wehiyo otaya ka kala po poshigongi. Onkee ano, natu kuthe ombinga nuulaadhi moshikonga shika sha simana. Etelela uufo wehiyo mboka wa hupa po koshilando hoka taku ka ningilwa oshigongi noku wu longitha mokugandja uunzapo wontukuluka.

[Oshimpungu pepandja 5]

Ongiini tatu vulu okugandja uufo wehiyo?

Opo tu mane ko oshitopolwa shetu, otwa pumbwa okupopya owala paufupi. Otatu vulu okutya: “Otatu gandja okafo haka kehiyo lyoshigongi shoka tashi ka ningwa muuyuni auhe. Koye oko haka. Muko omu na uuyelele wa gwedhwa po kombinga yoshigongi.” Popya nehwamo. Uuna to gandja okafo kehiyo momahuliloshiwike, mpoka tashi opalele, gandja wo iifo.