Oshikonga shehiyo lyoshigongi shoshitopolwa

Omumvo kehe, ohatu kala twa tegelela nondjuulukwe oondja dhopambepo ndhoka hatu nyanyukilwa piigongi yetu yiitopolwa. Opo yalwe nayo ya ka mone nkene Jehova omwaanawa, otatu ka hiya oyendji ngaashi tashi vulika ya ka kale po. (Eps 34:8) Olutu lwaakuluntugongalo kehe otalu ka tala omukalo omwanawa lela gwokugandja okafo kehiyo.

UUYELELE MBOKA TU NA OKUKALEKA MOMADHILADHILO

• Oshigongi shetu shoshitopolwa oshi li ko uunake?

• Oshikonga shokugandja okafo kehiyo otashi tameke uunake moshitopolwa shetu?

• Oongundu otadhi ka gongala uunake dhi ninge oshikonga shehiyo?

• Elalakano lyoye olyashike lyoku ka kutha ombinga moshikonga shoka shehiyo?

• Oolye nda hala okuhiya?

OTO KA TYA SHIKE?

Uuna wa popitha omuntu, mu lombwela to ti:

“Otatu kutha ombinga moshikonga shoka tashi ningwa muuyuni awuhe shokugandja okafo kehiyo ndika koshiningwanima sha simanenena. Esiku, ethimbo nehala mpoka tashi ka ningilwa omo yi li mokafo haka. Otatu ke shi nyanyukilwa ngele owa ka kala po.”

ONGIINI TO VULU OKUKOKEKA OHOKWE YOMUNTU?

Nonando otwa hala okuhiya aantu oyendji ngaashi tashi vulika koshigongi shoshitopolwa, otu na wo okukokeka ohokwe yaamboka ye yi ulike.

Momahuliloshiwike, oto vulu okugandja iifo pamwe nokafo kehiyo.