Sura ba Mbanua Niha Keriso ba Golose
3 Hizaʼi, na no tesusugi ami si fao khö Keriso,+ miʼodödögö ba wogamö si so si yawa, ba zi dadao Keriso ba gambölö Lowalangi.+ 2 Miʼosambuaʼö dödömi ba zi so si yawa,+ tenga ba gulidanö,+ 3 börö me no mate ami, ba khö Keriso telumöʼö waʼaurimi, ba teʼosambuaʼö ami khö Lowalangi. 4 Ba ginötö iforomaʼö lakhöminia Keriso sangorifi yaʼita,+ ba daʼö toʼele ami si fao ba lakhöminia.+
5 Mibunu ndroto-ndroto andrö+ enaʼö böi aekhu ami ba wohorö,* faʼaraʼiö, lö fanaha tödö ba wohorö,+ fangisö si lö sökhi, mazui fakhögusa, si fagölö ba wamosumange adu. 6 Daʼö fefu mbörö wa mofönu Lowalangi. 7 Simane daʼö göi mbua-buami* me föna.+ 8 Iadaʼa, miböhöli fefu daʼö simane fönu, faʼabao dödö, faʼalösökhi,+ mazui fangoʼaya,+ ba böi kalua+ ba mbawami mbude-bude hokha soʼamakhaita ba wamalua horö. 9 Böi mifalimo.+ Miheta khömi gamuata* si tohöna andrö+ hegöi si toʼölö mifalua me föna, 10 mibohouni gamuatami+ faoma faʼaboto ba dödö zindruhu si lö mamalö-malö wamohouni yaʼami, ba itugu fakhili-khili ba gamuata Lowalangi.+ 11 Ba daʼa, lö hadöi niha Yunani mazui niha Yahudi, niha nisuna mazui si lö nisuna, niha si fatewu mazui niha Sikito,* sawuyu mazui niʼefaʼö. Hizaʼi, tobali Keriso gofu hadia ia ba teʼosambuaʼö ita khönia.+
12 Börö me niha nifili Lowalangi ami,+ niʼamoniʼö ba niʼomasiʼö, mifalua waʼomasi, faʼahakhö dödö,+ faʼasökhi dödö, fangide-ngideʼö,+ falöʼalio mofönu,+ ba faʼebolo dödö.+ 13 Hewaʼae na so mbörö waʼabao dödömi,+ böi tebulö khömi waʼebolo dödö zamösana ba faoma miʼefaʼö zala nawömi soroi ba dödö.+ Simane fangefaʼö Yehowa* salami soroi ba dödö, mifalua göi zimane daʼö.+ 14 Baero daʼö fefu, miforomaʼö waʼomasi+ börö me faʼomasi andrö wamaböbö soʼahonoa.+
15 Simanö göi, yaʼifatörö dödömi faʼohahau dödö khö Keriso,+ börö me no tekaoni ami enaʼö tobali si ha sambua boto. Böi mifamalö-malö wangandrö saohagölö. 16 Yamonaha ba dödömi wehede Keriso andrö, yafahöna khömi waʼaboto ba dödö. Böi miböhöli wamahaʼö hegöi ba wameʼe famarou dödö* ba niha böʼö si fao sinunö,+ fanuno Lowalangi, sinunö ba wamati si fao fangandrö saohagölö, ba miʼanunö khö Yehowa* soroi ba dödö.+ 17 Gofu hadia niwaʼömi awö nifaluami, mifalua ia ba döi Zoʼaya Yesu, ba miʼandrö saohagölö khö Lowalangi Amada ba döinia.+
18 Yaʼami foʼomo ira alawe, miʼoʼö li ndra matuami,+ simanö zinangea ba khö Zoʼaya. 19 Yaʼami foʼomo ira matua, böi miböhöli wangomasiʼö ira alawemi+ ba böi miʼofönu khöra si fao fehede sabeʼe mazui si fao bözi-bözi.+ 20 Yaʼami iraono, miʼoʼö li zatuami ba ngawalö hadia ia+ börö me daʼö zomasi Zoʼaya. 21 Yaʼami ira ama, böi miʼandrö wönu ndraonomi+ enaʼö lö afatö dödöra.* 22 Yaʼami ira sawuyu, miʼoʼö li zokhö yaʼami ba ngawalö hadia ia,+ tenga ha ba zanehe ira enaʼö omuso dödöra, hizaʼi mifalua ia soroi ba dödö börö wangataʼufi Yehowa.* 23 Gofu hadia nifaluami, mifalua ia soroi ba dödö hulö na khö Yehowa,*+ tenga ba niha, 24 börö me no miʼila wa moroi khö Yehowa* mitema luomi yaʼia daʼö ondröita.+ Mibaliʼö ami sawuyu khö Keriso, Sokhö yaʼita. 25 Niha samalua sala hasambalö tehuku ia moloʼö sala nifaluania+ börö me lö ebua zambuana dödö Lowalangi.+