No Taforomaʼö Waʼomasi Na Tatuhini Fotu Nibeʼe Yehowa

Fangefasi möi folumöʼö mbanua niha Keriso ba si tobali fotu ba niha si lö omasi mamalalini era-era. (1Kor 5:6, 11) No taforomaʼö waʼomasi na tatuhini fotu nibeʼe Yehowa. Hana wa tola iʼasogö waʼafökhö ba niha böʼö fangefasi andrö, simane ba zi fahatö mazui ba panitia pengadilan?

Sabölö moguna, taforomaʼö waʼomasi ba döi si sökhi niʼokhögö Yehowa hegöi goi-goinia niʼamoniʼö. (1Fet 1:14-16) Taforomaʼö göi waʼomasi ba niha si no muʼefasi. Hewaʼae na afökhö wotu, hizaʼi tola iʼasogö ’waʼohahau dödö ba faʼatulö’. (Heb 12:5, 6, 11) Lö tatuhini fotu nibeʼe Yehowa na fariawö ita ba niha si no muʼefasi mazui ba niha samandröndröuʼö yaʼia samösa. Moguna tatörö tödöda, wa so ”ndrohu-ndrohu” wameʼe Yehowa fotu ba nono mbanuania. (Yer 30:11) Sagötö tatuhini fotu nibeʼe Yehowa ba lö taböhöli wamalua halöwö ba wamati, lö tebulö tatötöna enaʼö mangawuli niha andrö khö Namada safönu faʼomasi.​—Yes 1:16-18; 55:7.

FAIGI VIDEO BÖI FARÖI SOROI BA DÖDÖ, BA BEʼE WANEMA LI BA WANOFU-NOFU DAʼA:

• 

  Hadia waʼafökhö nirasoi ndra satua ba ginötö laröi Yehowa iraonora?

• 

  Hewisa mbanua niha Keriso ba wotuhuni ösi nomo si lö faröi?

• 

  Haniha duma-duma moroi ba Zura Niʼamoniʼö sangoromaʼö wa moguna abölö aro waʼalöfaröida khö Yehowa moroi ba nösi nomoda?

• 

  Hewisa wangofönaiʼöda faʼafalöfaröida khö Yehowa moroi ba nösi nomoda?