Tolo Niha Nifahaʼöu ba Zura Niʼamoniʼö ba Wamönökhi Soguna Khöra ba Wamati

Tatu manö omasi ita na fahuwu niha nifahaʼöda khö Yehowa ba tobali ira niha saro ba wamati. Börö daʼö, lö ibönö na ha dane-dane zindruhu nifahaʼöda khöra. (Mat 5:3; Heb 5:12–6:2) Moguna göi tafahaʼö ira ba wamönökhi soguna khöra samösa ba wamati.

Iʼotarai ba wamobörö, fatunö ba niha nifahaʼöu hewisa lala ba wamaʼanö yaʼira fatua lö lafahaʼö ira ba Zura Niʼamoniʼö, ba farou dödöra wamalua daʼö. (mwb18.03 6) Baero daʼö, farou dödöra enaʼö mangandrö ira fatua lö lafahaʼö ira ba Zura Niʼamoniʼö. Tolo ira ba wangogunaʼö situs web hegöi aplikasida ba wamahaʼö yaʼira. Foromaʼö hewisa lala enaʼö tola lasöndra artikel hegöi video JW Broadcasting^® si bohou ba jw.org. Moguna özara-zara wamahaʼö yaʼira ba wombaso Sura Niʼamoniʼö ero maʼökhö, ba wamaʼanö waö-waö nitutunö ba gangowuloa, hegöi ba wamalua riset na so wanofu-nofura. Tolo ira ba woʼangerönusi hadia zi no lafahaʼö yaʼira.

FAIGI VIDEO TOLO NIHA NIFAHAʼÖU BA ZURA NIʼAMONIʼÖ ENAʼÖ LAʼAMEʼEGÖ TÖDÖ ZOGUNA KHÖRA BA WAMATI, BA BEʼE WANEMA LI BA WANOFU-NOFU DAʼA:

• 

  Hewisa lala Neeta ba wanolo Jade enaʼö aboto ba dödönia wa lö ibönö na ha asala iʼalui wanema li?

• 

  Hadia zamaduhuʼö ba dödö Jade wa si sökhi khöda goroisa Yehowa sangumaʼö wa tebai tafalua gamuata wohorö?

• 

  Hadia zaboto ba dödö Jade sanandrösa ba woʼangerönusi?