OWÖLÖ-ÖLÖ BA WANURIAIGÖ | ENAʼÖ OMUSO DÖDÖDA BA WANURIAIGÖ
Tolo Niha Nifahaʼöu ba Zura Niʼamoniʼö Enaʼö Laʼondrasi Gangowuloa
Angowuloa niha Keriso no faosatö si tohude ba wamosumange satulö. (Si 22:22) Fefu niha sowulo ba wamosumange Yehowa tola larasoi waʼomuso dödö ba fahöna howu-howu nitemara. (Si 65:4) Si toʼölönia, alio tedou ba wamati niha nifahaʼö ba Zura Niʼamoniʼö na owölö-ölö ira weʼamöi ba gangowuloa.
Hewisa wanolou niha nifahaʼöu ba Zura Niʼamoniʼö enaʼö iʼondrasi gangowuloa? Böi böhöli wogaoni yaʼia ba wangondrasi angowuloa. Futa khönia video Hadia Manö Nifalua ba Nahia Gorahua Mbanua Lowalangi? Tutunö khönia hadia manö mbua nitemania na iʼondrasi gangowuloa. (lff famahaʼö 10) Tola göi öfatunö khönia sambua wamahaʼö si no ötema ba gangowuloa. Mazui, tola öfatunö khönia hadia nitutunö ba gangowuloa nifalua ba migu fönada. Beʼe khönia publikasi sinangea muʼogunaʼö. Baero daʼö, tola göi öʼombakhaʼö khönia wa omasiʼö öbeʼe wanolo soguna khönia, duma-dumania enaʼö tola isöndra lalania weʼamöi ba gangowuloa. Tenga zaya-zaya gölö fefu wamorege nifaluamö na iʼondrasi gangowuloa niha nifahaʼöu ba Zura Niʼamoniʼö.—1Ko 14:24, 25.
FAIGI VIDEO TOLO NIHA NIFAHAʼÖU BA ZURA NIʼAMONIʼÖ ENAʼÖ LAʼONDRASI GANGOWULOA, BA BEʼE WANEMA LI BA WANOFU-NOFU DAʼA:
Hewisa lala Neeta ba wogaoni Jade ba wangondrasi angowuloa?
Hana wa omuso dödöda na so niha nifahaʼöda sangondrasi angowuloa?
”Sindruhu wa so Lowalangi ba gotaluami”
Hadia nirasoi Jade me awena sibai möi ia ba gangowuloa?