Tolo Niha Nifahaʼöu ba Zura Niʼamoniʼö Enaʼö Latimbagö Wariawösa si Lö Sökhi

Enaʼö tola tobali si fahuwu khö Yehowa niha nifahaʼöu ba Zura Niʼamoniʼö, moguna ifili zi fahuwu si sökhi. (Si 15:1, 4) Hasambalö latolo ia ira si fahuwu khönia andrö ba wamalua satulö.—Amd 13:20; lff famahaʼö 48.

Na itimbagö wariawösa si lö sökhi niha nifahaʼöu ba Zura Niʼamoniʼö, forege enaʼö aboto ba dödöu hadia nirasoinia. Tola manö abua khönia ba wondröi ira si fahuwu khönia ba zilalö. Börö daʼö, foromaʼö khönia wa öʼameʼegö tödö ia soroi ba dödö. Tola öfaʼoheʼö khönia pesan singkat, ötelefo ia, mazui möiʼö ba nomonia, hewaʼae na tenga ba ngaluo daʼö ifahaʼö ia ba Zura Niʼamoniʼö. Na no ibörögö tedou ia ba wamati, tola öʼohe ia fariawö khö ndra talifusöda tanö böʼö. Na öfalua daʼö, hasambalö aboto ba dödönia wa abölö oya nisöndrania moroi ba zi no iröi. (Mrk 10:29, 30) Hasambalö göi örasoi waʼomuso dödö na farahu ia ba nösi nomo Yehowa.

FAIGI VIDEO TOLO NIHA NIFAHAʼÖU BA ZURA NIʼAMONIʼÖ ENAʼÖ LATIMBAGÖ WARIAWÖSA SI LÖ SÖKHI, BA BEʼE WANEMA LI BA WANOFU-NOFU DAʼA:

• Hadia wariawösa si lö sökhi andrö?—1Ko 15:33

• Hadia nikhalaigö Jade me itutunö khönia Neeta sanandrösa ba wariawösa si sökhi?

• Hadia nifalua Neeta ba wanolo Jade enaʼö tola itimbagö wariawösa si lö sökhi?