Sura Nifaʼema Mboto Solohe

”Sinangea tobali ami samahaʼö.” (Heb. 5:12) Khalaigö! Ikaoni ita Yehowa, Samahaʼö fondrege zi sökhi si so ba mbanua si yawa awö danö, ba wamahaʼö niha böʼö sanandrösa khönia! No sambua töi sebua khöda ba wamahaʼö sindruhu sanandrösa khö Yehowa yaʼia daʼö ba nösi nomo, ba mbanua niha Keriso mazui ba wanuriaigö. Hewisa enaʼö tola mofozu ita?

Tola taʼila wanema linia ba wehede zinenge sotöi Faulo khö Dimoteo, ”Böi böhöli wangodödögö fombaso föna niha sato, amenesi, ba fahaʼö ira.” Inönö nasa wangumaʼö, ”Börö me teʼorifi ndraʼugö awö zamondrongo yaʼugö.” (1 Tim. 4:13, 16) So khöu duria fangorifi sinangea öfatunö ba niha. Daʼö mbörö wa öʼodödögö wombaso hegöi ba wamahaʼö niha. Mufaʼanö brosur daʼa ba wanolo yaʼugö ba wamalua daʼö. Tandraigö faigi fitur-fiturnia.

Ayati Zura Niʼamoniʼö si so ba ngaʼörö mbuku daʼa yaʼia daʼö goi-goi Zura Niʼamoniʼö soʼamakhaita ba wamahaʼö mazui duma-duma sinangea muʼoʼö ba wamahaʼö

Yehowa Zamahaʼö Sebua. (Yes. 30:20) Brosur daʼa göi zanolo yaʼugö enaʼö itugu onekhe ba wombaso hegöi ba wamahaʼö niha. Törö tödöu wa Yehowa andrö Umbu duria nifaʼemada ba yaʼia zogaoni niha. (Yoh. 6:44) Börö daʼö, moguna asese mangandrö ita ba wangandrö eheha niʼamoniʼö. Asese ogunaʼö Daromali Lowalangi. Alui lala enaʼö adöni dödöra khö Yehowa tenga khöu samösa. Odödögö enaʼö laʼomasiʼö Yehowa niha nifahaʼöu.

No tekaoni ndraʼugö ba wamaʼema turia sabölö moguna nibeʼe ba niha. Faduhu dödöma, na öʼodaligö ”waʼabölö Lowalangi” hasambalö mofozu ndraʼugö.​—1 Fet. 4:11.

Si falulu fohalöwö khömö ba wanuriaigö,

Boto Solohe Samaduhuʼö Yehowa