Ogunaʼö Wanofu

Mataiʼo 16:13-16

RAHU-RAHU: Ogunaʼö wanofu si tefaudu enaʼö adöni dödö zamondrongo, laʼila hadia lua-luania ba enaʼö aboto ba dödöra wa moguna sibai duho daʼö.

LALA WAMALUA YAʼIA:

• Enaʼö adöni dödö zamondrongo. Ogunaʼö wanofu si lö moguna fanema li (fanofu retorik) irege mangera-ngera ira mazui omasi sibai laʼila daʼö.

• Ohitö dödö wa öfaʼema duho daʼö. Enaʼö fao dödö zamondrongo ba nitutunömö, beʼe khöra wanofu si tefaudu irege lahalö gangetula satulö.

• Abakhaiʼö wanutunö wa moguna sibai duho daʼö. Beʼe wanofu sadöni dödö ba wamaehagö tuho nifaʼemamö. Fuli beʼe wanofu niʼogunaʼömö ba wamobörö na no aefa ötutunö duho sabölö moguna mazui na öhalö rahu-rahu moroi ba wamaehagö nifaluamö.