Tefaudu ba Tola Mufaduhusi Tödö

Luka 1:3

RAHU-RAHU: Ogunaʼö referensi si tola mufaduhusi tödö enaʼö tetolo niha samondrongo ba wangai rahu-rahu si tefaudu.

LALA WAMALUA YAʼIA:

• Alui ba ogunaʼö referensi si tola muʼodaligö. Fodane-dane mbua gera-eramö ba Daromali Lowalangi, abölö sökhi na öʼanemaiʼö öbaso ia. Na öhalö duma-duma soʼamakhaita ba ilmiah, ba berita, si no irai alua mazui tanö böʼö si tola mufaduhusi tödö, moguna öfareso ua sakali hadia sindruhu daʼö ba awena alua ia.

• Ogunaʼö ngawalö referensi si tola mufaduhusi tödö. Tutunö waö-waö ayati si no mubaso, ombakhaʼö geluaha nösinia, ba ogunaʼö publikasi moroi khö ndra ’sawuyu si lö faröi ba satua-tua’. (Mat. 24:45) Tola öʼogunaʼö referensi tanö böʼö si lö faböʼö eluaha mazui faudugö wanutunö yaʼia moloʼö si no tesura.

• Hadia mbörö wa mututunö daʼö. Na no aefa öbaso ayati Zura Niʼamoniʼö mazui ötutunö sambua referensi, beʼe wanofu si tefaudu mazui amaedola soʼamakhaita ba duho nitutunömö irege laʼila lahalö rahu-rahunia.