Tau Feleveiaaga Fekafekau ma Aokuso
MAILOGA: To setulu e Feleveiaaga Fekafekau he Ha Tautolu a Fekafekauaga he Kautu ma e tau fahi tapu he fonoaga. Ko e tau fakapotopotoaga kua lata ke hikihiki ke lata mo e manako ke o atu he Fonoaga “Ko e Puhala Moui he Atua” mo e fakaata foki ke 30 e minuti he liu fakamanatu e tau matapatu manatu he fakaholoaga ke he Feleveiaaga Fekafekau he tapu ka hau. Kua lata ke kotofa fakamua tolu e tau matakainaga matua ke talahau mai e tau matapatu manatu he fakaholoaga he tau aho takitokotaha he fonoaga. Ko e liu fakamanatu mitaki nei ka lagomatai e fakapotopotoaga ke mauloto e tau matapatu manatu ke fakalata ai fakatagata mo e fakaaoga ke he fonua. Ka fai fakamaamaaga ka talahau he fakalatahaaga mo e tau talahauaga foki kua lata ke fakaku mo e mafiti.
Fahi Tapu Kamata ia Aokuso 3
Lologo 216
10 minu: Tau fakailoaaga he matakavi. Fifili e tau fakailoaaga mai he Ha Tautolu a Fekafekauaga he Kautu. Talahau e hokotaki he fonua ma Me mai he motu mo e he fakapotopotoaga.
15 minu: “To Kehe Lahi Kia e Mahina a Aokuso?” Tau huhu mo e tau tali. Fakamafana oti ke fakalataha he fekafekauaga he mahina a Aokuso mo e tau mahina takitaha he tau fou he fekafekauaga.
20 minu: “Fakaaoga e Tau Porosua ke Hokotia ke he Manamanatuaga mo e Loto.” Fakatutala auloa. Liu fakamanatu fakaku e tau porosua ne lomi he tau tau kua mole ne fakailoa e aogaaga he tau kupu Tohi Tapu ke he tau tagata. (Kikite e Watch Tower Publications Index 1986-1995, lau 652-3.) Fakakite e tau porosua fou, mo e fakatutala ko hai ka fia manako ke moua ai. Fakakite taha po ke ua e fakamatalaaga, mo e fakamanatu e fakatokaaga fakaalofa.
Lologo 191 mo e liogi fakaoti.
Fahi Tapu Kamata ia Aokuso 10
Lologo 127
8 minu: Tau fakailoaaga he matakavi. Fakailoa he tupe. Talahau e foliaga he tau tagata fakailoa oti ne fakalataha ke he fonua ia Aokuso.
20 minu: “Tau Fonoaga Fahi Motu mo e Lalolagi Katoa ‘Ko e Puhala Moui he Atua’ he 1998.” (Paratafa 1-17) Tau huhu mo e tau tali. Totou e paratafa 11 mo e 12. Fakamafana age e aogaaga mai he Tohi Tapu ke fakatumau e gali mitaki he tau tapulu ha tautolu he tau Kerisiano mo e tau mahani mo e fakaako fakamitaki e tau fanau ha tautolu.
17 minu: “Tau Fuata—Kia Fakaaoga Fakamitaki e Vaha Aoga Ha Mutolu.” Tau huhu mo e tau tali. Fakaaoga e tau manatu kua lata mai he Awake!, Aperila 8, 1992, lau 17-19, mo e Watchtower, Iulai 15, 1991, lau 23-6.
Lologo 37 and liogi fakaoti.
Fahi Tapu Kamata ia Aokuso 17
Lologo 163
10 minu: Tau fakailoaaga he matakavi. Huhu atu ko e heigoa e puhala ke moua mai e matahigoa he kaina he tagata kua fakamatala ki ai he puhala, he paaka, po ke ha matakavi noa ke maeke ke liu matutaki atu ki a ia.
35 minu: “Ko e Onoonoaga Atu ki Mua ke he Gahua Mafiti he Taute Tutaki.” Tau tali mo e tau huhu. Totou e paratafa 5, 10, mo e 11. Liu fakamanatu e fakatolomaki he gahua fakaako Tohi Tapu he matakavi. Fakamafana atu ki a lautolu ne takitaki e tau fakaakoaga ke liu totou e uho he Our Kingdom Ministry Iuni 1996 ke lagomatai ke holo ki mua e makaka ha lautolu. Kikite e paratafa 5 mo e 25 he uho ia.
Lologo 108 mo e liogi fakaoti.
Fahi Tapu Kamata ia Aokuso 24
Lologo 213
12 minu: Tau fakailoaaga he matakavi. Kikite e puha ne fakahigoa “13,250!” he Ha Tautolu a Fekafekauaga he Kautu ma Iulai 1998. Ha kua taha ni e matahiku he fahitapu ne toe ia Aokuso, fakamalolo oti e fakalatahaaga ke gahua e fonua ato oti e mahina. Fakatutala he “Fakaholoaga Fou he Aho Toloaga Uho.”
18 minu: Ko e Puhala ke Fakauka ke he Fekafekauaga Paionia. Lauga fakave ke he Watchtower, Sepetema 15, 1993, lau 28-31. Huhu tala ke he paionia ne fehagai mo e tau lekua mamafa ka e fakauka ni ke paionia.
15 minu: Fakaaoga Fakamitaki e Ha Tautolu a Fekafekauaga he Kautu. Fakatutala auloa. Fakaaoga he tau fifitakiaga fou, fakakite e tau tala ne lata he mogonei kua kitia ke he tau lau he Ha Tautolu a Fekafekauaga he Kautu mo e aoga kua moua mai ai e tautolu: (1) tau tala ke omoi a tautolu ke fakalataha tumau he fekafekauaga; (2) tau talahauaga ke mafanatia ai a tautolu he ha tautolu a fekafekauaga tapu; (3) tau puhala ke lagomatai a tautolu ke fakamatala tonu e tala mitaki; (4) tau fakailoaaga he tau tohi fou kua moua ne aoga lahi ke he fonua ha tautolu; (5) tau hokotaki fonua, ne fakakite e holoaga he gahua he Kautu; (6) Tau Tala Fakateokarasi, ne hokotaki e fakatolomaki he gahua ke he lalolagi; (7) tau fakailoaaga mo e tau setulu ne fakailoa tonu ki a tautolu e tau mena ka tutupu; (8) Tau Puha Huhu ne tali e tau mena lekua lahi; mo e (9) tau uho ne fakailoa ki a tautolu e tau fonoaga, tau matagahua ne foli pauaki, mo e falu mena ne fakatumau ke fakamataala a tautolu ke he tau manako fakaagaga ha tautolu. Fakamafana oti ke totou e tau fufuta takitaha, fakalata e tau puhala i ai, tamai ke he Feleveiaaga Fekafekau mo e tau feleveiaaga he fonua, mo e tuku kehe ai he taha tokaaga ke fakaaoga anoiha.
Lologo 210 mo e liogi fakaoti.
Fahi Tapu Kamata ia Aokuso 31
Lologo 65
10 minu: Tau fakailoaaga he matakavi. Fakamanatu oti ke tuku e tau hokotaki he fonua ma Aokuso. Lata he tau takitaki he Fakaakoaga Tohi he Fakapotopotoaga ke fakaati ki a lautolu oti he matakau ke kitia kua katoatoa e tau hokotaki to hoko e Sepetema 6. Kikite e tau tohi ke foaki ia Sepetema. Fakakite fakaku e fakamatalaaga ne fakaaoga e huhu, “Ko e ha kua lata a tautolu ke fakaaoga e higoa he Atua?” Tali fakaaoga aki e tohi Iloilo, veveheaga 3, paratafa 6.
15 minu: “Takitaki he Tau Leveki—Ko e Leveki he Fakapotopotoaga.” Lauga he fekafekau leveki. Ka oti e tutala hana tau levekiaga, ti talahau e fakaaue hana ke he fakapotopotoaga ha kua gahua auloa ai a lautolu mo e tau motua he leveki e lautolu e fuifui mamoe.
20 minu: “Tau Fonoaga Fahi Motu mo e Lalolagi Katoa ‘Ko e Puhala Moui he Atua’ he 1998.” (Paratafa 18-23) Tau huhu mo e tau tali. Totou e paratafa 18 mo e kupu Tohi Tapu ne fakakite. Peehi e lata he fakatokatoka mitaki mo e manamanatu ke he falu foki, hagao ke he tau nofoa. Fakaoti ke he tala fakaku he “Tau Fakamanatu he Fonoaga.”
Lologo 24 mo e liogi fakaoti.