Izinto Ezingakusiza Ufunde IBhayibheli Qobe Langa

Ngebanga lokuthi siphila ipilo emajadu khulu begodu zinengi nezinto okufuze zenziwe, ngezinye iinkhathi kuba budisi ukufunda iBhayibheli qobe langa. (Jotj. 1:8) Nange kunjalo, linga iinhlongozo ezilandelako:

• Yenza ifonakho bona ikukhumbuze. Yenza i-alamu efoninakho bona ikukhumbuze nakusikhathi sakho sokufunda iBhayibheli.

• Beka iBhayibhelakho lapho uzoyibona khona. Nange ufunda iBhayibheli ephrintiweko, ibeke lapha uzokukghona ukuyibona khona qobe langa.—Dut. 11:18.

• Lalela iBhayibheli erekhodiweko. Lalela iBhayibheli erekhodiweko nawenza imisebenzi ohlala uyenza. U-Tara, umma oliphayona, osebenza ebusuku uthi, “Ukulalela iBhayibheli elirekhodiweko nangenza imisebenzi yangendlini kungisiza bona ngihlale ngifunda iBhayibheli.”

• Phikelela. Nakwenzeka kuvele ubujamo obungakalindeleki obukwenza ugqine sele utshwilise ukufunda, linga okungenani ukufunda amavesi ambalwa ngaphambi kobana ulale. Ngitjho nanyana ungafunda amavesi ambalwa qobe langa, uzokuzuza.—1 Pit. 2:2.