Indlela Yokufakaza Sisebenzisa Ikarana Yeencwadi
Ukutjhumayela sisebenzisa ikarana namkha itafula kubonakala kuyindlela ephumelelako yokudosela abaneenhliziyo ezivumako eqinisweni. (Jwa. 6:44) Kungebangelo abadala bakhuthazwa bona benze ihlelo lokutjhumayela tjhatjhalazi esimini yebandla lapho kunabantu abanengi abakhamba ngeenyawo. Njengombana iinkarana zingajami endaweni yinye, akutlhogeki ukubawa imvumo kabomthetho. Bobani abafanelekako ukwenza umsebenzi lo? Barhuweleli abanokwahlulela okuhle, abaziphethe ngendlela enehlonipho, nabanamakghono amahle wokuthoma ingcoco. Okulandelako zizinto okufuze zenziwe nalezo okungakafuzi bona zenziwe, ezizokusiza abarhuweleli baphumelele.