Usakhumbula?

Uzifundisise kuhle IinThala zonyaka lo? Linga ukuphendula imibuzo elandelako:

Khuyini esenza siphazimulise uJehova?

Siphazimulisa uJehova ngombana siyamhlonipha begodu siyamthanda. Siyamphazimulisa ngombana sifuna abanye bamazi.—w25.01, k. 3.

Nange umuntu angakasiphathi kuhle, singamlibalela njani?

Asiyibethisi ngomoya indlela esizizwa ngayo nanyana kunjalo, akukafuzi sihlale sisilingekile besibambe amavunda.—w25.02, kk. 15-16.

Kubayini umfundi uMarkosi asibonelo esihle kubafowethu abasese batjha?

UMarkosi wasamukela ngethabo isabelo asifumanako. Nanyana bekezwa ubuhlungu begodu adanile ngebanga lobujamo obuthileko, uMarkosi akhenge alise. Walungisa ubuhlobo bakhe noPowula nabanye abafowethu abavuthiweko.—w25.04, k. 27.

Bekatjho ukuthini uJesu nakathandaza athi: “Ngibazisile igama lakho”? (Jwanisi 17:26)

Abafundi bakhe besele balazi igama lakaZimu. Kodwana uJesu akhenge aphethe ngokubazisa igama lakhe kwaphela kodwana wabazisa ngobuntu bakhe, kuhlanganise iminqophakhe, imisebenzakhe nezinto azithandako.—w25.05, kk. 20-21.

Nasithobekileko, khuyini ekufuze siyazi?

Kufuze silemuke bonyana angekhe sazi yoke into. Ngokwesibonelo, asazi ukuthi isiphelo sephaseli sizokufika nini nokuthi khuyini uJehova azoyenza ngesikhatheso. Asazi bona kuzokwenzekani ngesikhathi esizako namkha uJehova usazi kangangani.—w25.06, kk. 15-18.

Khuyini engasisiza sizuze esihlokweni esithileko namkha ekulumweni?

Singazibuza: ‘Ngibuphi ubufakazi obusetjenzisiweko ukuqinisekisa abantu abalaleleko? Kghani kunomfanekiso othileko ophumelelako engingawusebenzisa nangifundisako? Bobani abangaba nekareko esihlokwenesi?’—w25.07, k. 19.

Khuyini esiyifundako endleleni uJehova alibalela ngayo uDavida?

Nanyana uDavida wenza izono ezimbi, nakatjhugulukako uJehova wamlibalela. (1 Kho. 9:​4, 5) UZimu nakalibalelako, akabambi amavunda namkha asikhumbuze ngobumbi esabenzako ngokukhamba kwesikhathi.—w25.08, k. 17.

Nange umuntu omfundela iBhayibheli angalifumani kuhle iphuzu, khuyini ongayenza?

Nange akufumana kubudisi ukuzwisisa iphuzu elithileko ngemva kobana sele ulinge ukulihlathulula, dlulani kilo begodu uhlele ukubuyela kilo ngemva kwesikhathi.—w25.09, k. 24.

IBhayibheli lithi isono ‘sinamandla akhohlisako.’ (Heb. 3:13) Njani?

Isono singasilinga bona senze okungakalungi. Singasikhohlisa nangokuthi sihlale sizaza ukuthi uJehova usithanda kwamambala.—w25.10, k. 16.

Ngiziphi izinto ezintathu ezingenza imithandazo yomuntu mathupha ibe ngedephileko?

(1) Singacabanga ngobuntu obuhle bakaJehova. (2) Singacabanga ngobujamo esiqalene nabo, njengokubawa uJehova asisize silibalele umuntu osonileko. (3) Singathandaza isikhathi eside. Lokho kuzosivumela sikghone ukuveza indlela esizizwa ngayo ngaphakathi ehliziywenethu.—w25.10, kk. 19-20.

Ungabasiza njani esele baluphele?

Singavakatjhela namkha sifonele esele baluphele besibaphekelele nakwadorhodere. Singabe sisebenze nabantu abalupheleko esimini.—w25.11, kk. 6-7.