Diboka Tša Tirelo Tša July
Beke e Thomago ka July 6
10 mets:Ditsebišo tše swanetšego go tšwa go Tirelo ya Rena ya Mmušo le ditsebišo lege e le dife tša phuthego. Gape, gatelela dintlha tše pedi tše kgethegilego tšeo di ka bolelelwago tšeo di ka dirišwago ge re neela Morokami wa July 1, 1992. Kgothaletša mogoeledi o mo mongwe le o mongwe gore a itirele pakane ya go kopanela ka mehla bodireding bekeng e nngwe le e nngwe le go tliša pego ya gagwe ka pela mafelelong a kgwedi.
20 mets:“Neela Dipukwana Bakeng sa go Abelana le ba Bangwe Kholofelo ya Gago ya Mmušo.” Poledišano ya dipotšišo le dikarabo; dipontšho. Tsebiša phuthego ka mokgobo wa dipukwana tšeo di lego gona, gomme o kgopele batheetši gore ba nee sa mafahleng a bona ka dipukwana tšeo e tla bago tše swanetšego ka mo go kgethegilego bakeng sa tšhemo ya gabo lena. Ge le hlahloba serapa 9, bontšha kamoo pukwana e swanetšego e ka neelwago boemong bjo bo sa rulaganyetšwago go moagišani, badiri-gotee mošomong goba kae le kae. Ge nako e dumela, dira gore bagoeledi bao ba abetšwego e sa le pele ba laodiše diphihlelo tšeo ba bilego le tšona ba diriša dipukwana. Kgothaletša banababo rena ka phišego gore ba kopanele ka botlalo go neeleng dipukwana ka July.
15 mets: Kamoo ke Hweditšego Therešo ka Gona. Diphihlelo. Mogolo o boledišana le batho ba babedi goba ba bararo ka o tee ka o tee. Lebiša tlhokomelo tabeng ya kamoo Lentšu la Modimo le phuthego ya gagwe e ba tutueleditšego go fihla ntlheng ya boineelo le kolobetšo. Gatelela mehola yeo ba e hweditšego ka go ba therešong.
Kopelo 165 le thapelo ya go phetha.
Beke e Thomago ka July 13
10 mets:Ditsebišo tša phuthego. Pego ya ditšhelete. Ditaba tša Pušo ya Legodimo. Gopotša phuthego ka dithulaganyo tša tirelo ya tšhemo.
20 mets:“Go Gokaganya Matseno a Rena le Dipuku.” Polelo e kopana le dipontšho. Rulaganyetša gore mogoeledi wa mofsa a bontšhe thero ya Mangwalo a diriša dikeletšo tšeo di lego go serapa 2. Ge o rola Jesaya 65:21-23, diriša mokgwa woo o bontšhitšwego go serapa 5. Mogoeledi o mongwe a ka bontšha go neelwa ga pukwana ya ‘Bonang,’ a diriša ditšhišinyo tše di lego go dirapa 3 le 4. Maemong a ka bobedi modula-setulo o swanetše go gatelela tsela yeo ka yona thero e ilego ya gokaganywa le dimpho tša dipuku. Pontšhong e nngwe bontšha kamoo mogoeledi a ka tšwelago pele ge e ba go se kgahlego e itšego yeo e bontšhitšwego ke mong wa ntlo. Gopotša phuthego gore e ikhweletše sesola sa dipukwana le dimakasine ka morago ga seboka.
15 mets:Dipotšišo ka Haramagedone. Polelo yeo e akaretšago taba yeo e lego ka go puku ya Go Boledišana, matlakala 200-204.
Kopelo 137 le thapelo ya go phetha.
Beke e Thomago ka July 20
15 mets:Ditsebišo tša phuthego. Ahla-ahla pego ya tirelo ya tšhemo ya phuthego ya June, o nee theto gotee le kgothatšo e swanetšego bakeng sa go kaonefatša. Bontšha kamoo go nagana ka temana ya ngwaga gotee le taba yeo e e dikologilego go re thušago go hwetša lethabo la kgonthe ge re dutše re kopanela tirelong ya tšhemo le go kopanela le phuthego. (Ba-Roma 12:9-16) Ahla-ahla dithulaganyo tša mafelelo tša tšhemo e sa abjago ge e ba e le gona. Diriša dintlha tšeo di lego tlaleletšong ya lengwalo la June 1, 1992. Kgothaletša bohle ka borutho gore ba thekge dithulaganyo tša lesolo.
15 mets:“Na o Neela Dithuto tša Beibele?” Poledišano ya dipotšišo le dikarabo yeo e latelwago ke diphihlelo tše di kgethilwego tšeo di bontšhago kamoo dithuto tša Beibele di ka thongwago ka gona leetong la mathomo goba leetong la go boela.
15 mets: Tše di nyakegago tša phuthego goba polelo yeo e theilwego sehlogong se se rego ‘Tšwelang Pele le Lokišega’ ka go Morokami wa November 1, 1990.
Kopelo 184 le thapelo ya go phetha.
Beke e Thomago ka July 27
10 mets:Ditsebišo tša phuthego. Letlolo la Dipotšišo. Molebeledi wa tirelo a ka abelwa go swara karolo ye.
20 mets:“Go Hlagolela Kgahlego Molaetšeng wa Mmušo.” Ka morago ga matseno a makopana, bontšha leeto la go boela ka (1) motho yo a amogetšego dimakasine tša morago bjale, (2) motho yo a bontšhitšego kgahlego eupja a se amogele dipuku le (3) Motho yo a amogetšego pukwana ya ‘Bonang.’ Lebakeng le lengwe le le lengwe thea motheo bakeng sa leeto la go boela.
15 mets:“Go Amogela, go Diriša le go Holwa ke Lentšu la Modimo.” Kgopela ditlhaloso tše kopana tšeo di lokišeditšwego tša go leboga dikopano tša tikologo ka kakaretšo. O ka lebiša tlhokomelo dintlheng tša bohlokwa tšeo di ithutilwego dikopanong tša tikologo tše fetilego. Ka morago e-ba le poledišano ya dipotšišo le dikarabo ya sehlogo go letlakala 1. Tsebiša letšatši la kopano ya tikologo e latelago, ge e ba e tsebja, gomme o kgothaletše bohle go ba gona go yona.
Kopelo 157 le thapelo ya go phetha.