Lenaneo Le Lefsa La Kopano Ya Tikologo

1 Ka go kwa mantšu a Jesu go Mateo 6:33, Bakriste ba therešo ba be ba dutše ba etiša Mmušo pele ka mehla maphelong a bona. Ka gona, “Tšwelang Pele le Tsoma Mmušo Pele” ke sehlogo se se swanetšego bakeng sa lenaneo la kopano ya tikologo leo le tla thomago ka September 1993.

2 Di tloga fase lenaneo le tla gatelela go ba ga kgonthe ga Mmušo, le gatelela gore ke mmušo wo o bušago wo o nago le naga, babuši, balata le melao. Ge e le gabotse, bontši bja melao ya mebušo ya batho yeo e holago setšhaba lehono e theilwe melaong ya Beibele.

3 Tšhireletšo le ditšhegofatšo tšeo re di hwetšago ka go etiša Mmušo pele dibopegong ka moka tša maphelo a rena di tla ahla-ahlwa. Go tla newa keletšo e holago go bontšha kamoo re ka phemago ka gona pelaelo yeo e sa nyakegego. Dipolelo, dipontšho le dipoledišano di tla bontšha lebaka leo ka lona go lego bohlokwa gakaakaa go boloka leihlo la rena le sekile.

4 Ka Mokibelo wa kopano, bakolobetšwa bao ba swanelegago ba tla kgona go dira boipolelo bja phatlalatša bja boineelo bja bona go Jehofa. Ka Sontaga, ka moka ga rena re tla rata go ba gona bakeng sa polelo ya phatlalatša yeo e nago le sehlogo se se rego “Seo Mmušo wa Modimo o Tlago go se Direla Batho.”

5 Kgonthišetša gore o dira dithulaganyo tša go ba gona bakeng sa matšatši ka bobedi a kopano ya tikologo. Lenaneo la kopano leo le sepedišanago le bogwera bjo bo thabišago bja borwarre le tla nea kgothatšo e thabišago le e lapološago yeo go se nago le o tee wa rena yo a tla ratago go e foša.