Go Diriša Dipuku Tša Rena Ka Mo Go Holago
1 Jehofa o re neile dijo tše dintši kudu tše di humilego tša moya. Bontši bja dikarolo tše bo tšweleditšwe ka sebopego sa dipuku tša matlakala a 192. Ka January re tla be re sepediša e nngwe ya dipuku tše tša matlakala a 192, e lego O ka Hwetša Bjang Khutšo ya Kgonthe le Polokego? Ge e ba o se na dikopi tša puku ye ka gae, hle ikhweletše sesola tafoleng ya dipuku. E tla ba mo gobotse gore o boeletše dintlha tše dingwe tšeo di bolelelwago tše o ka di dirišago therong ya gago.
2Ge o sepediša puku e rego “O ka Hwetša Bjang Khutšo ya Kgonthe le Polokego?,” swara Beibele ya gago e phetlilwe go Kutollo 21:3, 4 gomme ge mong wa ntlo a bula mojako, o ka re:
◼ “Na o ka rata go phela lefaseng leo go lona go tla bego go se sa hlwa go e-na le lehu goba manyami? Ye ke kholofetšo yeo e ngwadilwego pukung ya mafelelo ya Beibele, e lego Kutollo. Ela hloko se se bolelwago mo go Kutollo 21:3, 4. [Bala lengwalo.] Na o nagana gore re tla ka ra bona phethagalo ya mantšu a?” Dumelela karabo. Phetla go letlakala 102 pukung ya Khutšo ya Kgonthe gomme o bale serapa 20. Gatelela kamoo Tokišo e Mpsha ya Modimo e nnoši e tlago go fediša bolwetši le lehu gomme ya tliša khutšo ya kgonthe le polokego. Tsebiša mong wa ntlo gore o tla thabela go mo tlogelela puku ka moneelo wa R3,50 le go boa gape go tlo tšwetša poledišano pele.
3 Matseno a mangwe ao o ka a lekago ke a:
◼ “Motho yo mongwe le yo mongwe o tla rata go phela lefaseng leo go lona go nago le khutšo le polokego. Ka manyami, ga se ra ka ra bona seo bophelong bja rena. O nagana gore re swanetše go dira’ng gore re dire gore khutšo le polokego e be tša kgonthe? [Dumelela karabo.] Modimo o na le matla a go tliša khutšo lefaseng le gomme o holofeditše gore o tla dira seo.” Phetla seswantšhong se se lego go letlakala 98 ke moka o bale Mika 4:3, 4. Ge e ba go e na le karabelo e botse, hlalosa mo go oketšegilego ka kholofelo ya Mmušo, o neele puku gomme o dire dithulaganyo bakeng sa leeto la go boela.
4Mohlomongwe o ka kgetha go diriša poroutšha e rego, “Na Modimo Ruri o na le Taba le Rena?” Ge e ba go le bjalo, o ka bolela se:
◼ “Batho ba bantši ba ipotšiša lebaka leo ka lona Modimo a dumelelago tlaišego e kaakaa lefaseng. Ka ge e le yo matla ka moka, ke ka baka la’ng a sa dire se sengwe go re fedišetša tlalelo? O nagana’ng? [Dumelela karabo.] Beibele e re kgonthišetša gore Modimo ga se a re lahla.” Phetla go letlakala 27, serapa 22 gomme o bale Psalme 37:11, 29. Hlalosa seswantšho se se ipiletšago se se swantšhetšago seo re ka lebelelago pele go sona. Ge e ba poroutšha e amogelwa, ithapele go boa o tlo bontšha kamoo e ka dirišwago ka gona bakeng sa thuto ya Beibele.
5Dipuku tša rena di tutueleditše batho ba dikete go hlahlobišiša Beibele. Seo ba ithutilego sona se ba tlišeditše kholofelo bakeng sa bokamoso bjo bo thabišago. (Ps. 146:5) Re na le tokelo ya go ba thuša.