Bathu Bakafa Kali Bakwiya Bahinduka?

MBIMBI YA SUKU YIYWELA ITI

“Bathu bakafa bakahinduka.”​—Vilinga 24:15, Tradução do Novo Mundo.

SILEVELELO SE SI HASA

Kukutulumwisa ni kwafa muthu usola.​—2 Kolindu 1:3, 4.

Kukukwasa phala kukhali nawoma wakufa.​—Heveleu 2:15.

Kukuha unengelelo wakulisanga heka nakhumba na makamba abi akafa kali.​—Nzwau 5:28, 29.

TUTABA LUMU KUBYE MBIMBILIYA YIZIMBULA?

Tutaba, mukonda lya vithombo bye:

• Suku Mulumbisi wamwenyo. Mbimbiliya yishana Yehova Suku “situ sa mwenyu.” (Salumu 36:9; Vilinga 17:24, 25) Endi akahana mwenyu ku byose bili na mwenyu. Na sili sose, Suku akwiya akahane heka mwenyu kuba bakafa.

• Suku wakahindula kali bathu. Mbimbiliya yiywela naki ya bathu bayala na bakhetu babisuku binzi, bakabahihundula munyima. Abamwe bakabahindula sizuwa bakafahe. Mukwau wakazukisa bizuwa biwana bakamuhinduli!​—Nzwau 11:39-44.

• Suku wasola kubilumba heka kambali. Yehova wazemba kufa. Endi kufa kumubihila. (1 Kolindu 15:26) Endi na sili sose akumana kufa, mukuhindula bose bakafa. Endi ali na sisola sakuhindula bathu bali mu bisoka byendi, phala kutunga hano hosi na mwenyo kauhwi.​—Yovi 14:14, 15.