LISAU 02
Bibilya Yituhana Silevelelo Samboti
Linu kumbi vathu venzi vakuhita na lamba. Mukonda lya vye, vathu vezi kwiva kukola na kuzinda. Nave wakahitakali na vithombo vye? Hamwe yivi kuhita na lamba mukonda lya kuvinza. Hamwe wafunda umwe muthu akukukola sinene kumbunge. Wakasoka kali kwakuninga, vyuma viasu vye vikwiya vikahwi? Wakusanguluka kuvye Bibilya yiywela.
1. Silevelelo sikhi Bibilya yihana?
Bibilya yizimbwila mukonda lya vikhi tumbu lyasula na vithombo. Mazi nayu yizumbwila vyuma vyamboti. Ayu yiti vithombo viose vikwiya vikahwa. Evi Bibilya yilonga ‘vituhana silevelelo samboti.’ (Tanga Jeremias 29:11, 12.) Vikenekenu vye vituhana zikhono zakuhita na vithombo linu kumbi. Navyu vituhana kusanguluka kulinu na kuphala ya vizuwa.
2. Vyuma vikhi vyamboti Bibilya yiywela phala kuphala ya vizuwa?
Bibilya yiti kakwisi yowo akukhala na “kuvinza na kufa na kukola na kulila.” (Tanga Apocalipse 21:4.) Vithombo viose vyezi kunihisa vyuma vyaviha nañgu kufa, kuvinza, ukhukhunyu vya kwiya vikahwa. Bibilya yiti vathu vakukhala na kusanguluka kakuhwi mu Palaizu hanu hosi.
3. Namwahi uhasa kuziva uti viose Bibilya yiywela vya sili?
Vathu vose vasoli nga tumbu liwaha, mazi navu kavazivili vali na zikhangu. Mazi Bibilya yilonga sili. Nga “walilonga yene ukuziva uti viose walilonga vya sili.” (Atos 17:11) Kulilonga Bibilya kukukwasa kutava ni lowo kuvye yiyu yilonga ku vyuma vikwiya kuphala.
LILONGI WEKHA
Tala vimwe vyuma Bibilya yikenekena kuphala ya vizuwa. Tala wekha momo silevelelo se sili mu Bibilya sali mu kukwasa vathu kulinu kumbi.
4. Bibilya yiti tuhasa kukhala na mwenyu kawezi kuhwa, kawisi na lamba
Twakutala vimwe vyuma Bibilya yikenekena. Vyahi yive wasola sinene? Mukonda lya vikhi wahanda vye?
Tangyenu zitestu ziywela kukhanda ya vikenekenu vye. Aha muyweli kukhanda ya vihulu vye:
Evi twatanga vikuhana silevelo sikhi? Evi walilonga vihasa kukwasa umwe muthu uziva?
Asi soka kukhala mu tumbu lye
KALISI NA . . . |
VOSE VAKWIYA . . . |
|---|---|
|
|
|
|
|
|
|
|
|
|
5. Mwenyu wave uhasa kuhinguluka mukonda lya vye Bibilya yilonga
Vathu vezi kuzinda na kuthatha mukonda lya vithombo vinzi vikuhita mutumbu. Avamwe valumba zikhono phala kumana vyuma vyaviha mutumbu. Evi Bibilya yilonga vihasa kukwasa vathu kulinu kumbi. Tala VIDYU. Vyelienu kukhanda ya vihulu vye:
Vithombo vikhi vyakazindisa Rafika?
Vithombo akamona kaviakahwili, mazi kuti Bibilya yakamukwasa?
Evi Bibilya yilonga vihasa kutukwasa kuhita na vithombo. Tangyenu Provérbios 17:22 na Romanos 12:12. Vyelienu kukhanda ya vihulu vye:
Wasoka kuti, evi Bibilya yilonga vihasa kukukwasa ku mwenyu wave? Mukonda lya vikhi wasoka momo?
AVAWE VETI: “Evi Bibilya yiywela vyamboti mazi kavyasiliaku.”
Amuni, kakota waziva sili kukhanda ya vye?
VIKHI WATUVA
Bibilya yituhana silevelelo samboti kuphala ya vizuwa. Silevelelo se Bibilya yihana situkwasa kuhita samboti na vithombo na kukhala na kusanguluka.
Kuzimbuluka
Mukonda lya vikhi vathu vatokala kukhala na silevelelo?
Vikhi Bibilya yiywela kukhanda ya kuphala ya vizuwa?
Namwahi silevelelo se sa Bibilya sihasa kukukwasa?
KENGA WEKHA
Ziva wekha vyuma vikwau Suku akenekene kuphala ya vizuwa.
“Esperança — Onde você pode encontrá-la?” (Despertai!, 22 de Abril de 2004)
Namwahi Bibilya yihasa kukwasa muthu ali na kuvinza?
“A Bíblia pode ajudar você a conviver com uma doença crônica?” (Mu jw.org)
Aha ukwiva kaselu ka, usoka ha ukukhala mu Palaizu na khumba ya ve na vathu vakwau vakuwehela.
Mona wa muyala akakhala kuzinda mukonda lya vyuma vyaviha akakhala kumona mutumbu. Amuni tala siwa momo Bibilya yakamukwasa.
“Não acho mais que preciso mudar o mundo” (A Sentinela, 1 de Julho de 2013)