Masalimo

124 “Yehova akanapanda kukhala kumbali yathu,”+

Isiraeli anene kuti,+

 2 “Yehova akanapanda kukhala kumbali yathu,+

Pamene anthu anatiukira,+

 3 Akanatimeza amoyo,+

Pamene mkwiyo wawo unatiyakira.+

 4 Pamenepo madzi akanatikokolola,+

Mtsinje wamphamvu ukanatimiza.+

 5 Madzi amphamvu

Akanatimiza.+

 6 Yehova atamandike, chifukwa sanatipereke kwa iwo+

Kuti atikhadzule ngati nyama.+

 7 Moyo wathu uli ngati mbalame imene yathawa+

Pamsampha wa munthu wogwiritsa ntchito nyambo.+

Msamphawo wathyoka,+

Ndipo ife tapulumuka.+

 8 Thandizo lathu lili m’dzina la Yehova,+

Wopanga kumwamba ndi dziko lapansi.”+