11 Iye analonjeza kuti: “Inu Yehova wa magulu ankhondo akumwamba, mukaona kuvutika kwa ine kapolo wanu nʼkundikumbukira ndiponso mukapanda kundiiwala ine kapolo wanu nʼkundipatsa mwana wamwamuna,+ ndidzamʼpereka kwa Yehova masiku onse a moyo wake ndipo lezala silidzadutsa mʼmutu mwake.”+

3 Pa nthawi imeneyo, mwana uja Samueli ankatumikira+ Yehova moyangʼaniridwa ndi Eli. Koma mawu a Yehova anali osowa masiku amenewo ndipo anthu sankaona masomphenya+ pafupipafupi.

15 Samueli anagonabe mpaka mʼmawa. Atadzuka anatsegula zitseko za nyumba ya Yehova, koma ankaopa kuuza Eli za masomphenya amene anaona.