Kupenda Kolemba m’Sukulu Yautumiki Wateokratiki
Kupenda kolemba mabuku atatsekedwa pankhani zokambidwa m’Sukulu Yautumiki Wateokratiki zogaŵiridwa kuyambira mlungu wa May 6 kufikira August 19, 1996. Gwiritsirani ntchito pepala lina kuti mulembepo mayankho ambiri othekera m’nthaŵi yoperekedwa.
[Tamverani: Mkati mwa kupendaku, gwiritsirani ntchito Baibulo lokha kuyankhira funso lililonse. Magwero a nkhani amene amaikidwa pambuyo pa mafunso ngoti mukadzifufuzire. Manambala a tsamba ndi ndime nthaŵi zonse sangasonyezedwe m’magwero onse a mu Nsanja ya Olonda.]
Yankhani kuti Zoona kapena Kunama m’ndemanga zotsatirazi:
1. Nsembe imodzi ya Yesu inaloŵa m’malo nsembe zonse zoperekedwa pansi pa Chilamulo cha Mose. [uw-CN tsa. 33 ndime 8(4)].
2. ‘Gogi wa ku Magogi’ ndi mawu ophiphiritsira onena za maboma a dzikoli. (Ezek. 38:2) [Kuŵerenga Baibulo kwa mlungu ndi mlungu; onani w91-CN 8/15 tsa. 27 ndime 2.].
3. Monga momwe Ohola analili mkulu wa Oholiba, malinga ndi zimene Ezekieli chaputala 23 amasonyeza, momwemonso Chiroma Katolika ndicho mkulu wa Chiprotesitanti, ndipo magulu onse aŵiri adziipsa mwa kuchita chigololo chauzimu ndi amalonda ndi olamulira andale a dzikoli. [Kuŵerenga Baibulo kwa mlungu ndi mlungu; onani w89-CN 4/1 30.].
4. Mwa kugwira ntchito zolimba ndi kudzipereka kotheratu kwa Mulungu, Mkristu weniweni angakhale ndi kuyenera kwa kupeza moyo wosatha. [uw-CN tsa. 36 ndime 13].
5. Kapolo wofotokozedwa pa Luka 19:20-24, amene analandira ndalama imodzi naisunga m’kansalu, anali ndi liwongo la kunyalanyaza zinthu. [gt-CN mutu 100].
6. Yakobo 4:17 ndi Ezekieli 33:7-9 akugwirizana, kusonyeza kuti chidziŵitso cha zimene Mulungu amafuna kwa ife ndicho chimatikhalitsa oŵerengeredwa mlandu kwa iye. [Kuŵerenga Baibulo kwa mlungu ndi mlungu; onani w93-CN 4/1 tsa. 7 ndime 1.]
7. Danieli anasonyeza kuti anali mneneri woona mwa kufotokoza tanthauzo la fano la m’loto Mfumu Nebukadinezara atamlongosolera za ilo. [Kuŵerenga Baibulo kwa mlungu ndi mlungu; onani Danieli 2:7-9, 26.].
8. Madzi akutuluka ku kachisi wa m’masomphenya ofotokozedwa pa Ezekieli 47:1 amaimira mphamvu ya kuyeretsa ya ubatizo. [Kuŵerenga Baibulo kwa mlungu ndi mlungu; onani w88-CN 9/15 tsa. 27 ndime 20.].
9. Musawope kumkanira munthu amene akulimbikitsani “kukondwera,” ngakhale ngati amene akukupemphaniyo ndi munthu amene amadzitcha Mkristu. (1 Pet. 2:18, 19) [uw-CN tsa. 43 ndime 11].
10. Moyo wa Yesu unasonyeza kuti Adamu akanasunga umphumphu wangwiro akanafuna kutero ndi kuti ntchito yakulenga ya Mulungu inalibe cholakwa chilichonse. [uw-CN tsa. 52 ndime 11].
Yankhani mafunso otsatirawa:
11. Kodi kuyesa kwa Abrahamu kupereka nsembe mwana wake Isake kuyenera kutithandiza kuzindikira chiyani? (Gen. 22:1-18) [uw-CN tsa. 32 ndime 8(1)].
12. Kodi nchifukwa ninji kunganenedwe kuti ntchito imene Yehova Mulungu anapatsa Adamu ndi Hava inali lamulo? (Gen. 1:28; 2:15) [uw-CN tsa. 38 ndime 2].
13. Kodi ndi motani mmene Mboni zodzozedwa za Yehova ndi atsamwali awo ziyenera kukhalira ngati Ezekieli? (Ezek. 11:25) [Kuŵerenga Baibulo kwa mlungu ndi mlungu; onani w88-CN 9/15 tsa. 16 ndime 3.].
14. Kodi ndani amene akuphatikizidwa m’mbewu ya Njoka? [uw-CN tsa. 30 ndime 3].
15. Kuwonjezera pa kuimba Yehova mlandu wa kunama, kodi Satana anati Mulungu anali kumana zolengedwa zake chiyani? (Gen. 3:1-5) [uw-CN tsa. 46 ndime 1].
16. Kodi “mudzi” wotchulidwa pa Ahebri 11:10 nchiyani? [uw-CN tsa. 48 ndime 6].
17. Kodi ndi m’njira ziŵiri zotani zimene kunganenedwe kuti Adamu ndi Hava anafa “tsiku” lomwe anadya mtengo wakudziŵitsa zabwino ndi zoipa? (Gen. 2:17) [uw-CN tsa. 56 ndime 5].
18. Kodi ndi ufulu wotani umene Yesu anali kufotokoza pa Yohane 8:32? [uw-CN tsa. 40 ndime 6].
19. Kodi “mkazi” wa pa Genesis 3:15 amaimira yani? [uw-CN tsa. 30 ndime 3].
20. Malinga ndi Eksodo 9:15, 16, kodi nchiyani chimene chinakwaniritsidwa mwa njira imene Yehova anachitira ndi Farao? [uw-CN tsa. 57 ndime 6, 7].
Perekani liwu kapena mawu ofunika kutsiriza ndemanga zotsatirazi:
21. Pakukwaniritsidwa kwa Ezekieli 21:26, ufumu ‘wokwezeka’ wa ․․․․․․․․ ‘unachepsedwa’ mwa kuwonongedwa mu ․․․․․․․․ ndipo maufumu ․․․․․․․․ ‘opepuka’ ‘anakwezedwa,’ kuwalola kulamulira dziko lapansi popanda kudodometsedwa ndi ․․․․․․․․ weniweni wa Mulungu. [Kuŵerenga Baibulo kwa mlungu ndi mlungu; onani w88-CN 9/15 tsa. 19 ndime 16.]
22. Liwu lenileni la Yehova linamveka pamene Yesu ․․․․․․․․ panthaŵi ya ․․․․․․․․ kwake, ndi pa Nisani 10, 33 C.E., pamene anapemphera kwa Atate wake ․․․․․․․․ m’Yerusalemu. [gt-CN mutu 104]
23. Afarisi anali kukuntha ․․․․․․․․ pavinyo wawo chifukwa tinali todetsedwa malinga ndi mwambo, komabe anali kunyalanyaza chilungamo, chifundo, ndi kukhulupirika, kumene kungafanizidwe ndi kumeza ․․․․․․․․ imenenso inali nyama yodetsedwa malinga ndi mwambo. [gt-CN mutu 109]
24. Eksodo 34:7 imatchula zimene zinali kudzachitikira Aisrayeli monga ․․․․․․․․ ngati akanachimwira Mulungu ndi kutengedwa ukapolo, pamene Ezekieli 18:4 akutchula za kuŵerengeredwa mlandu kwa ․․․․․․․․ kulinga kwa Mulungu. [Kuŵerenga Baibulo kwa mlungu ndi mlungu; onani w88-CN 2/1 tsa. 6.]
25. Poŵerenga Baibulo, ndi bwino kudzifunsa nokha mmene inu ․․․․․․․․ mungagwiritsire ntchito zimene mukuŵerenga ndi mmene mungazigwiritsirire ntchito kuthandiza ․․․․․․․․. [uw-CN tsa. 26 ndime 12(4) ndi tsa. 28 ndime 12(5)]
Sankhani yankho lolondola m’ndemanga zotsatirazi:
26. Cholinga chachikulu cha Mkristu m’moyo ndicho (kukhala ndi mathayo mumpingo; kupulumuka Armagedo; kukhala ndi unansi wabwino ndi Yehova). [uw-CN tsa. 42 ndime 9]
27. Anthu ambiri safuna kuvomereza kuti mavuto amene tingakumane nawo m’moyo nthaŵi zambiri amadza chifukwa cha (anthu amene amafunitsitsa kutivulaza; nthaŵi ndi mikhalidwe yosadziŵika; zikhumbo zathu zauchimo ndi mayanjano oipa). (1 Akor. 15:33; Yak. 1:14, 15) [uw-CN tsa. 44 ndime 13]
28. (Chidziŵitso chathu; luso lathu la kuphunzitsa; khalidwe lathu) limasonyeza pamene taima m’nkhani yaikulu yokhudza kukhulupirika kwathu kwa Mulungu. [uw-CN tsa. 52 ndime 12]
29. Oyamba kukhala “zotengera zachifundo” anali (Akunja; Ayuda; Asamariya odulidwa), ndiyeno panatsatira (Akunja; Ayuda; Asamariya odulidwa), ndipo potsirizira pake (Akunja; Ayuda; Asamariya odulidwa). (Aroma 9:23, 24) [uw-CN tsa. 58 ndime 8, 10]
30. Nkhani yaikulu imene Satana anaibutsa pamene anatsutsa kuyenera kwa ulamuliro wa Mulungu ndi njira Yake yolamulira kwenikweni inakhudza (zoyenera za munthu; nkhani ya amene anali wamphamvu koposa; ulamuliro wa Mulungu wa chilengedwe chonse). [uw-CN tsa. 46 ndime 1]
Gwirizanitsani malemba otsatirawa ndi ndemanga zondandalikidwa pansipa:
1 Pet. 4:3, 4; Ezek. 18:25; Dan. 1:8, 11-13; Mac. 8:32-38; 1 Yoh. 1:8, 9
31. Chiyamikiro cha choonadi ndi zimene Yesu Kristu wachita kukwaniritsa maulosi a Baibulo chimasonkhezera anthu oona mtima kubatizidwa. [uw-CN tsa. 32 ndime 7.]
32. Akristu achichepere sayenera kuzengereza kudziŵitsa mwaulemu akuluakulu a sukulu ndi ophunzira anzawo kuti sadzalakwira chikumbumtima chawo chophunzitsidwa mwaumulungu. [Kuŵerenga Baibulo kwa mlungu ndi mlungu; onani w92-CN 11/1 tsa. 14 ndime 17]
33. Mwa kusonyeza chikhulupiriro choona m’nsembe ya Yesu Kristu, tingakhaledi ndi chikumbumtima chokoma chifukwa cha kukhululukidwa machimo. [uw-CN tsa. 35 ndime 10]
34. Akristu oona ayenera nthaŵi zonse kukhala okonzeka kusintha kalingaliridwe kawo monga mwa njira za Yehova, ndipo sitiyenera konse kuganiza kuti uphungu woyenera wa m’Malemba sukutikhudza ife ndi kuunyalanyaza. [Kuŵerenga Baibulo kwa mlungu ndi mlungu; onani w90-CN 11/1 tsa. 31.]
35. Ngakhale kuti mungamagwire ntchito ndi osakhulupirira kapena kupita nawo ku sukulu, mumasonyeza kuti simukuwasankha kukhala mabwenzi anu mwa kupeŵa kuyanjana nawo konse kosafunikira. [uw-CN tsa. 44 ndime 13]
S-97-CN Mal, Moz & Zam #289b 8/96