Nyimbo 223

Okhulupirika Anu Adzakulemekezani

(Salmo 145:10)

1. Okhulupirika anu

Yehova Mulungu.

Amalengezatu ntchito

Ndi ulemerero.

Muli wapamwamba,

Wotamandika zedi,

Zosasanthulika,

Ntchito zanu, njira zanu.

Okhulupirika anu;

Aimba mokondwa.

Afuna kuuza anthu

Zimene adziŵa.

2. Mulungu wasankha mbadwo

Kuti umtamande.

Mbadwowo tsono ulipo,

Woyenda ndi M’lungu.

Kapolo wakeyo,

Amadyetsa nkhosazo

Popyola m’dzikoli,

Mbusa wawo patsogolo.

Monga okhulupirika,

Atamanda dzina.

Amalengeza mokondwa

Za ukulu wanu.

3. Ya Mulungu ndiwabwino;

Sitikayikira.

Adzapulumutsa anthu

—Titame ukoma.

Amaleza mtima;

Anthu ake adziŵa.

Tiyamike zedi

Kuti atifuna ife!

Polefuka atidzutsa

Nakhutitsa mtima.

Timdalitsa tsiku lonse;

Timlemekezadi.