Muzilengeza za Mphamvu ya Mawu a Mulungu mu Utumiki

Ngati munthu wavomera kuti timuuze uthenga wabwino, tiyenera kugwiritsa ntchito mpata umenewo kulengeza za mphamvu ya Mawu a Mulungu. Tingachite zimenezi powerenga naye Baibulo. Mfundo imeneyi inafotokozedwa bwino pa msonkhano wadera wa chaka chatha. Woyang’anira dera anakamba nkhani ya mutu wakuti, “Muzilengeza za Mphamvu ya Mawu a Mulungu mu Utumiki.” Kodi mukukumbukira mfundo zomwe zinakambidwa m’nkhaniyi?

• N’chifukwa chiyani Mawu a Yehova ndi amphamvu kwambiri kuposa mawu athu?—2 Tim. 3:16, 17.

• Kodi Mawu a Mulungu amathandiza bwanji anthu kusintha mmene amaganizira, zolinga zawo, zimene amakhulupirira ndiponso khalidwe lawo?—Onani Nsanja ya Olonda ya June 15, 2012, tsamba 27 ndime 7.

• Tikawerenga Baibulo ndi munthu mu utumiki, kodi tingamuthandize bwanji kuti aziona kuti Mawu a Mulungu ndi othandiza kwambiri?—Onani buku la Sukulu ya Utumiki tsamba 148 ndime 3-4 komanso Utumiki Wathu wa Ufumu wa March 2013, tsamba 6 ndime 8.

• N’chifukwa chiyani n’zofunika kuti tizifotokoza komanso kukambirana ndi munthu malemba amene tawerenga ndipo tingachite bwanji zimenezi?—Mac. 17:2, 3; onaninso buku la Sukulu ya Utumiki tsamba 154 ndime 4 mpaka tsamba 156 ndime 5.