PHUNZIRO 11

Kulankhula ndi Mtima Wonse

Aroma 12:11

MFUNDO YAIKULU: Muzilankhula ndi mtima wonse kuti muziwafika pamtima anthu amene mukukambirana nawo.

Muzilankhula kuchokera mumtima. Mukamakonzekera komanso kukamba nkhani, muziganizira mmene ingathandizire anthu. Muziidziwa bwino nkhaniyo moti muzilankhula mfundo zanu kuchokera mumtima.
Muziganizira anthu. Muziganizira mmene mfundo imene mungawerenge kapena kuphunzitsa ingathandizire anthu. Muzifotokoza mfundozo m’njira yoti anthu aziona kuti ndi zothandiza.
Nkhani yanu izikhala yamoyo. Muzisonyeza kuti nkhaniyo yakufikani pamtima. Ndiyeno manja ndi nkhope yanu zizisonyeza mmene mukumvera mumtima.

Koma zimene timachita ndi manja komanso nkhope yathu zisafike pongokhala chizolowezi. Zizikhala zoti anthu angaphunzirepo kanthu. Muzilankhula ndi mtima wonse makamaka potchula mfundo zikuluzikulu kapena polimbikitsa anthu kuti achite zinazake. Si bwinonso kumangotsindika paliponse mpaka kufika powatopetsa anthu.