Oviimbo Viouhamba Vitupameka

Paulu na Sila vahilivikile Jeova noviimbo etyi ankho vekahi mokaleya. (Atos 16:25) Mononthiki mbetu, ovakuatate vaimbilile kumwe oviimbo Viouhamba pomuvo ankho vekahi mokaleya ko Sachsenhausen mo Alemanha nazista, ko Siberia. Onongeleka ombo mbulekesa okuti oviimbo vipameka unene Ovakristau vavasiwa mononkhumbi.

Omalaka omanyingi nao maakala nomukanda omupe woviimbo una osapi yati: Tuimbilei Jeova ‘Nehambu.’ Tyina tuamakala nomukanda omupe woviimbo, tupondola okupaka oviimbo vimwe momutwe iya mokueenda kuefendelo liombunga atuviimbi. (Efé. 5:19) Inkha tulinga ngotyo, ospilitu sandu maitukuatesako okuvihinangela tyina tuna ovitateka. Oviimbo viouhamba vipondola okutukuatesako okutala kekevelelo lietu. Vipondola okutukuatesako tyina tuvasiwa movitateka. Tyina tuliivite nawa iya nonkhalelo ongwa itukuatesako “okuimba nehambu” mokonda yomutima wetu ukahi nawa. (1 Crô. 15:16; Sal. 33:1-3) Atuho tuimbei oviimbo vietu Viouhamba!

TYINA MUAMATALE O VIDIU YATI OVIIMBO VIOUHAMBA VITUPAMEKA , KUMBULULEI OMAPULO AA:

• Omokonda yatyi Omukuatate Frost ahonekelele otyiimbo?

• Oñgeni oviimbo viakuatesako ovakuatate ankho vekahi mokaleya ko Sachsenhausen?

• Omononkhalelo patyi oviimbo Viouhamba vikupameka?

• Oviimbo viñgapi Viouhamba ove upondola okupaka momutwe?