Pameka Vakwenyi

Atuho onthwe tutyihole tyokukala na vakwetu tufenda navo tulipameke. Mahi katulipameka vala tyina tuli peke. Ombimbiliya yapopia okuti tyokulipameka na vakwetu, ‘otyali tya Huku.’ (Loma 1:​11, 12) Pahe oityi tuna okulinga tupolele vakwetu kotyali otyo?

Popia etyi matyipameka vakwenyi. Tyina ukumbulula momaliongiyo, wahapopie vala evi usoka neevi walinga-linga. Haunene popia evi welilongesila ku Siovaa, no Mondaka yae, no kovafendi vae. Tyina muli nokutomphola na vakwenyi, popia evi mavivepameka.

Evi ulinga vipameka vakwenyi. Ine uli movilinga viomuvo auho, otyo una evi uli nokututumba navio, no ngootyo ohayeke-po ovilinga ovio, matyipameka vakwenyi. Tyina una ovilinga ovinyingi, okuti hatyo uvela, mahi otyo wenda komaliongiyo matyipameka vakwenyi.

Okuti evi upopia neevi ulinga vipameka vakwenyi? Uhole okumona evi vakwenyi valinga vekupameke?