Omunene Umwe Wekongoko Wati Ovipuka Ovakwendye Vatala Mavivenyono — Oityi Ombimbiliya Ipopia?

Monthiki 23 ya Maio yo 2023, Omunene umwe wekongoko mo Estado Unidos walondola ovanthu okuti ovipuka ovakwendye vatala mono rede social (moviluvia-luvia), vipondola okuveetela.

• “Namphila ovipuka ovana vatala mono rede social vimwe oviwa, mahi tyimoneka umwe okuti vimwe vipondola okunyona onondunge mbovana ovatutu, tupu vipondola okuvepa onombela momutwe. — Rede Social (oviluvia-luvia) Nekongoko Lyo Momutwe: Omunene wo Vokutanda mo U.S. 2023.

Omunene oo wapopiwa, wapopia omokonda yatyi apopila ngootyo.

• Ovana vomanima 12 atee 15 “vokukala onoola 3, otyo vatala vala ovipuka mono rede social (moviluvia-luvia), veli nokukala nomauvela omavi momutwe, vati ovo velinyengwa, ovo vakalela vala okulinga otyiho.”

• Ovana vomanima 14, “vokukalela vala okutala ovipuka mono rede social, tyina valangalapo kavamono olumphoki, velilongesa okupopia omapita, omalutu avo afwailika vala, vakalela vala okulitomba, tupu ulinga ovipuka viomalunyenge-nenge pahe uhanda vala okukala povakainthu tyipona povakwendye.”

Oityi ovohe yovana mavalingi vayakulile ovana vavo? Ombimbiliya ipopia etyi matyivekwatesako.

Oityi mavalingi?

Tompholei navo. Ovohe yovana vesukisa okutala ovipuka vipondola okunyona ovana vavo, avatale etyi ovana vapondola okulinga neetyi vahapondola okulinga.

• Onondunge Mbombimbiliya: “Longesa omukuendye ondyila yaviuka palae.” — Provérbios 22:6, okatoi.

• Opo unoñgonoke vali, tanga onthele yati: “Devo deixar meu filho usar redes sociais?”

Ine wayeka ovana vanyingile mono rede social opo lunguka unoñgonoke evi vatala-mo. Oityi una okulinga?

Lunguka ovana vove vahatale ovipuka vinyona. Velongesa vetyivile okumona etyi matyivelingi omapita, evehetyitale.

• Onondunge Mbombimbiliya: “Ouhayo wotyihola novipuka aviho viasila ine elungavi, vihapopiwe pokati kenyi, . . . alo umwe ovituwa vikundisa, nomatompho owova, ine okunyana omapita.”— Ova Efesu 5:3, 4.

• Opo unoñgonoke vali, tanga onthele yati: “Ensine seu filho adolescente a usar as redes sociais com segurança.”

Vepopila etyi vena okulinga. Tyimwe upondola okulinga, okuvepopila omuvo vena okukala mono rede Social, noola vena okunyingilamo.

• Onondunge Mbombimbiliya: ‘Tualeiko okutala nawa opo . . . mueende ngovanongo, mokuundapesa nawa omuvo wenyi.’ — Ova Efesu 5:15, 16.

• Velekesa ovindiu yati: Lunguka Tyina Ulinga Oupanga mo Internet opo okukwatesako ovana vove okunoñgonoka omokonda yatyi vesukisa okulunguka tyina veli mo Internet.