Tunde Peyovo mo Egitu alo Pohamba Yotete yo Isilayeli

Moisesi wahongolela ova Isilayeli okutunda koupika mo Egitu alo Komphunda yo Sinai, oku Huku evepela ovitumino viae. Iya Moisesi atumu ovalume 12 opo vakalave otyilongo tyo Kanaa. Anthi ovalume 10, vakondoka no nondaka onombi. Ovo vahindila ovanthu okuhanda okukondoka ko Egitu. Mokonda kavakalele nekolelo, Huku wevehitisa mokuvekalesa 40 omanima mehoko.

Konyima, Josue aholovonua opo ahongolele ova Isilayeli mo Kanaa. Yehova walinga omahuviso pala okuvekuatesako okutambula otyilongo. Huku watalamesile omeva Ondongi yo Jordau, atokesa ovimato vio Jeriko, atalamesa ekumbi oule wonthiki. Konyima yomanima epandu, otyilongo atyiho tyo Kanaa avetyitambula.

Okuhimbika na Josue, o Isilayeli yatuminua novakoyesi mokuenda kuo 356 omanima. Matulilongesa unene kombinga yavo, okukutikinyamo Barake, Gideão, Jefete, Sansau, na Samuele. Tupu matutange kombinga ya Raabe, Debora, Jael, Rute, Noemi, na Dalila. Onthele aiho YATATU ina ehipululo liomanima 396.