POKUKONDOKA-KO
ELONGESO 7
Wahayeke-ko
Etyi Ombimbiliya ipopia: “Valongesa . . . Kavatalama-le, . . . vapopia oviwa ovipe.” — Ovil. 5:42.
Oityi Paulu Alingile?
1. Tala OVINDIU, okuti hatyo, tanga Ovilinga 19:8-10. Pahe haa osoko komapulo aa:
Paulu kayekele-ko namphila vamwe ankho vemuyele. Oityi tyemupele ononkhono ahayeke-ko okukwatesako vokwesuka?
Tuñgapi Paulu akondaukile ko vokwesuka evelongese, wetyilingile omanima eñgapi?
Oityi Tulilongesila ku Paulu?
2. Noonthwe mapakala umwe omuvo omunyingi, okuhimbikila monthiki yo tete twakondoka-ko atee tuhika kokumulongesa Ombimbiliya.
Hetekela Paulu
3. Enda-ko poola tyitavela okutomphola nae. Lipula ñgaa: ‘Oola patyi, onthiki patyi tyitavela okutomphola nae? Opi matyitavelela okutomphola nae?’ Enda-ko umwe oola matyitavela okutomphola nae, namphila pamwe oola ikulemena.
4. Lipakelei-mo umwe nawa. Pokulilekela, lipakelei-mo oola nonthiki mamuya okutomphola vali. Enda-ko umwe onthiki, noola mwelipopilile.
5. Wahaponwe. Wahatie vala hamwe etyi omunthu wehemuvasi peumbo, hamwe apeho umuvasa vala una ovilinga, ngootyo kesukile-ale. (1 Kol. 13:4, 7) Tala umwe nawa onthiki, noola ikahi nawa upondola okumuvasa-po, opo momuvo una-o ulinge umwe etyi tyitiwa otyetyi. — 1 Kol. 9:26.