“Ava Omutala Womulavi no Despertai! Ononkhulu ine Kese Ombrochula Ikuatesako Ovanthu Okulekesa Esuko”

Mokueenda kuonohanyi tuaava omukanda Ombimbiliya Ilongesa nokuhimbika okulongesa ovanthu Ombimbiliya otyikando tyotete tukevetalelapo, tuapewa ondundo opo “tuave Omutala Womulavi no Despertai! ononkhulu ine kese ombrochula ikuatesako ovanthu okulekesa esuko,” tyina omunthu uvasa enale omukanda iya ketavela okulongeswa. Omokonda yatyi?

Onombrochula Nomutala Womulavi no Despertai! ononkhulu mbupopia ononthele mbelikalela. Onthele imwe momikanda ovio ipondola okuhika komutima womunthu tuvasa. Moluotyo, mopasta yove yokuenda movilinga viokuivisa, pakamo onombrochula mbelikalela Nomutala Womulavi no Despertai! ononkhulu. Inkha utupu Omutala Womulavi no Despertai! ononkhulu, upondola okuita mbumwe mewaneno. Inkha omunthu enale omukanda Ombimbiliya Ilongesa iya ehetavela okulongeswa Ombimbiliya, upondola okumulekesa Omutala Womulavi no Despertai! ine onombrochula iya omuiti aholovone ombu ahanda. Olipongiya opo ukondokeko pala okumukuatesako. Hamwe metavela okulilongesa Ombimbiliya.