Onkhalelo Imwe Yokuundapesa Ombrochula a Mensagem da Bíblia
Ovanthu ovanyingi motelitoliu yetu, haunene vonongeleya mbavana vehe-Vakristau, kavanoñgonokele Ombimbiliya. Tyina velilongesa novanthu ovo omukanda Ombimbiliya Ilongesa, ovaivisi vamwe tupu vaundapesa ombrochula a Mensagem da Bíblia opo vakuateseko ovalongwa vavo okunoñgonoka Ombimbiliya. Mongeleka, Omukuatate umwe upopia onthele yo 1 yombrochula tyina elilongesa nomulongwa okapitulu 3 komukanda Ombimbiliya Ilongesa. Tupu, oe ulongesa onthele onkhuavo yombrochula tyina amamane okulilongesa nomulongwa. Ukahi nokulilongesa nomunthu umwe una enoñgonoko liehehi ine uhena enoñgonoko Liombimbiliya? Opo umukuateseko okunoñgonoka ‘ovihonekwa vikola, vipondola okumukalesa nonondunge pala eyovo,’ lilongesa nae omukanda Ombimbiliya Ilongesa nombrochula a Mensagem da Bíblia.—2 Tim. 3:15.