Upaka Nawa
Ukahi Nokuundapa no Nombrochula Ombu?
A Bíblia—Qual é a sua Mensagem?
Yalingwa pala okukuatesako vana vena enoñgonoko lihehi konthele Yombimbiliya, haunene vonongeleya mbehetavela Kristu
Oñgeni matuyave: “Tuhanda okunoñgonoka oityi usoka konthele yetyi tyapopiwa Movihonekwa evi (ine omomukanda ou ukola). [Tanga Salmo 37:11, ikahi monthele 11.] Mokusoka kuove oñgeni oohi maikakala tyina eulo eli liamafuisuapo? [Yeka omunthu akumbulule.] Eli ekevelelo limwe neungumaneso ovanthu vomalongo aeho nomatavelo vapondola okupewa Nombimbiliya.” Tanga o palagrafu ikahi konthyimbi yefo 3, iya omuavela ombrochula.
Upondola okulinga ñga: Inkha ulongesa Ombimbiliya omunthu wongeleya yehetavela Kristu nomukanda Ombimbiliya Ilongesa, pola onominutu mbehehi pokuhimbika ine o pokumanuhula kese elongeso, mupopie onthele ike yombrochula ei opo anoñgonoke nawa Ombimbiliya.
Um Livro para todas as Pessoas
Yalingwa pala okukuatesako vokualongwa nawa mosikola, vena enoñgonoko lihehi konthele Yombimbiliya
Oñgeni matuyave: Tanga 2 Timóteo 3:16, 17. Opopi okuti: “Ove utavela okuti o Huku watuma okuhoneka Ombimbiliya? Ine usoka okuti omukanda vala omuwa? [Yeka omunthu akumbulule.] Ovanthu ovanyingi vena olusoke luelikalela konthele yepulo olio, mahi tuete okuti hono kavehi ovanthu vehole okulilongesa Ombimbiliya. [Tanga ongeleka ikahi posapi pefo 3.] Ombrochula ei ongwa, ipopia omahunga omawa, opo ovanthu vomihoko aviho vanoñgonoke etyi Ombimbiliya ipopia.”
Upondola okulinga ñga: Inkha muene weumbo utavela ombrochula, popia okuti: “Ehunga limwe ovanthu vasokela okuti Ombimbiliya kaitulongesa natyike tyakolela, omokonda onongeleya mbupopia omatutu konthele Yombimbiliya nomalongeso ayo. Onthiki ndyikondoka, nahanda okukulekesa ongeleka imwe.” Tyina wamakondoka ko, lilongesei onondonga mbukahi pomafo 4-5.
Ove Upondola Okukala Epanga lia Huku
Yalingwa pala okukuatesako vana valongeswa vala katutu mosikola ine vahatange nawa
Oñgeni matuyave: “Ove usoka okuti tupondola okukala omapanga a Huku? [Yeka omunthu akumbulule. Konyima otange Tiago 2:23.] Ombrochula ei yalingwa opo itukuateseko okukala omapanga a Huku nga Abraiau.”
Upondola okulinga ñga: Metompho liotete ine o pokukondoka okutalelapo omunthu, lekesa oñgeni Ombimbiliya ililongeswa mokulilongesa nae elongeso aliho ine onthele imwe yelongeso 1.
Como ter uma—Vida Satisfatória
Yalingwa pala okukuatesako vana vehena ngeleya
Oñgeni matuyave: “Onthue tueya okukutalelapo mokonda ovanthu ovanyingi vahanda okukala vali nehambu momuenyo. Onthue atuho pamwe tuvasiwa novitateka vitupola ehambu. Tyina tuvasiwa novitateka ngovio, pamwe tuovola onondonga mba umwe mombunga ine epanga tuayumba onthumbi, ine omomikanda ine o mo Internete. Ondyivi-ndyivi patyi ongwa wavasa ipondola okuava onondonga? [Yeka omunthu akumbulule.] Vamwe vahuva tyina vavasa onondonga onongwa Mombimbiliya. Ongeleka imwe oyei. [Lekesa okapitulu 2, iya otange ike pono testu mbukahi po.] Ombrochula ei yalingwa opo ihangunune oñgeni tupondola okuvasa omuenyo wehambu.”
Upondola okulinga ñga: Inkha omunthu utavela ombrochula, popia okuti: “Ovanthu ovanyingi vehole okuiva okuti Ombimbiliya yeyula ovipuka vihaviukile. Monthiki mandyiya vali, nahanda okukulekesa otyipuka tyike Ombimbiliya yapopia nawa konthele younongo wouye, ovanthu vehole okuanya.” Onthiki ukondokako lilongesei o palagrafu 4 pefo 12.
A Origem da Vida—Cinco que Merecem Respostas
Yalingilwa ovana Ovakristau valongeswa ko Sikola okuti tuatuka kovinyama, opo ivekuateseko okutomphola na vana valongesa elongeso olio, no vokuhetavela okuti ovipuka viaetuako, na vana vehetavela okuti kuna Huku. (Ombrochula ei kayalingilwe pala okuavela ovanthu umbo-na-umbo.)
Oñgeni matuyundapesa tyina tupopia no vokuti tuatuka kovinyama, na vana vehetavela okuti kuna Huku: “Hono omikanda aviho vipopia ounongo wouye vilongesa okuti tuatuka kovinyama. Ove utavela okuti elongeso olio hatyiliko, ine usoka okuti pahe lianoñgonokwa nawa okuti lipopia otyili? [Yeka omunthu akumbulule.] Opo ulinge omatokolo elikuata kumwe nenoñgonoko liaviuka, ame ndyityii okuti motavela okuti tuesukisa okunoñgonoka inkha omatutu ine otyili. Ombrochula ei ipopia ovipuka viayandyuluka nawa vihole okukuatesako ovanyingi okutavela okuti omuenyo waetuako.”
Upondola okulinga ñga: Inkha wenda kosikola, tyinda ombrochula oipake kotyipundi, otale inkha ava ulongeswa navo mavekupulu konthele yayo.
Ondyila Ituala Komuenyo Wahapu Okuti ove Weivasale?
Yalingilwa ovana Ovakristau valongeswa ko Sikola okuti tuatuka kovinyama, opo ivekuateseko okutomphola na vana valongesa elongeso olio, no vokuhetavela okuti ovipuka viaetuako, na vana vehetavela okuti kuna Huku. (Ombrochula ei kayalingilwe pala okuavela ovanthu umbo-na-umbo.)
Oñgeni matuyundapesa tyina tupopia no vokuti tuatuka kovinyama, na vana vehetavela okuti kuna Huku: “Hono omikanda aviho vipopia ounongo wouye vilongesa okuti tuatuka kovinyama. Ove utavela okuti elongeso olio hatyiliko, ine usoka okuti pahe lianoñgonokwa nawa okuti lipopia otyili? [Yeka omunthu akumbulule.] Opo ulinge omatokolo elikuata kumwe nenoñgonoko liaviuka, ame ndyityii okuti motavela okuti tuesukisa okunoñgonoka inkha omatutu ine otyili. Ombrochula ei ipopia ovipuka viayandyuluka nawa vihole okukuatesako ovanyingi okutavela okuti omuenyo waetuako.”
Upondola okulinga ñga: Inkha wenda kosikola, tyinda ombrochula oipake kotyipundi, otale inkha ava ulongeswa navo mavekupulu konthele yayo.
O Caminho para a Paz e Felicidade
Yalingwa pala okukuatesako ova Budista
Oñgeni matuyave komunthu omukulu omu Budista: “Tyafuile noove wasukalala nga ame konthele yomalusoke omanyingi o hono ahaviukile, no ñgeni akalesa ovana vetu. Kuove oundalelapo ukahi nokuliyawisa pokati kovakuendye mokonda yatyi? [Yeka omunthu akumbulule.] Ove utyii okuti otyo tyapopiwa momukanda wahimbika okuhonekwa omanima omanyingi kohale puetyi nkhele onongeleya mbo Vakristau no Hindu, no Musulmanu mbuheneukwe? [Tanga 2 Timóteo 3:1-3.] Tala okuti ovipuka ovio vikahi nokuliyawisa namphila ovanthu vatualako okulilongesa. [Tanga oversikulu 7.] Onondonga mbukahi momukanda ou, mbankhuatesako okunoñgonoka otyili ovanthu ovanyingi vehenelilongese. Okuti uhanda okuitanga?”
Upondola okulinga ñga: Onthiki ukatalelapo vali omunthu una wakuatesako akale nesuko Nombimbiliya, mulekesa omapulo ekahi konyima yefo liahulilila, no kakasa pena omukanda Ombimbiliya Ilongesa opo ewiite. Popia okuti waeta omukanda oo opo eutale inkha ahanda. Mulekesa omutete wo nosapi mbukahimo, iya amulilongesa o palagrafu ike ine onombali mokapitulu aholovona.
Verdadeira Fé—O Segredo de uma vida feliz
Yalingwa pala okukuatesako ova Musulumanu vakala ponomphangu pana vapondola okulilongesa Ombimbiliya
Oñgeni matuyave: “Ame ndyityii okuti ova Musulumanu vetavela ku Huku yotyotyili no kovauli aveho. Okuti otyo tyaviuka? [Yeka omunthu akumbulule.] Ame nahanda okupopia noove konthele yeulo limwe liokohale liapopia okuti oohi maikala omphangu yombembwa. Ndyipondola okutanga nove etyi omuuli ahoneka? [Tanga Isaías 11:6-9.] Ovanthu ovanyingi vehole okupula oñgeni Huku malingi omapiluluko oo pano pohi. Ombrochula ei ilekesa etyi ovauli vapopia konthele oyo.”
Upondola okulinga ñga: Inkha omunthu utavela ombrochula, popia okuti: “Omukanda ou wa Huku uhangununa okuti ponthyimbi, ovanthu vakalele momphangu yombembwa. Onthiki matutompola vali, mandyikumbulula epulo eli: ‘Oñgeni ovanthu vatyitukilapo outumini wa Huku, nokuvombesa omphangu yombembwa?’” Onthiki ukondoka, tompholei osapi yonthele ihimbikila pefo 6.
Como ter Verdadeira Paz e Felicidade
Yalingwa pala okukuatesako ova Chinês
Oñgeni matuyave: “Hono tuna ovitateka ovinyingi momuenyo vitupola ehambu. Oityi tyikukuatesako okukala nehambu namphila una ovitateka? [Yeka omunthu akumbulule.] Ovanthu ovanyingi vavasa ehambu mokulandula onondonga mbo Mbimbiliya. [Tanga Salmo 119:1, 2.] Vamwe vaanya Ombimbiliya okuti hamukanda wovanthu vo Koutakelo. Mahi nkhele tala etyi. [Lilongesei o palagrafu 16 pefo 17.] Ombrochula ei ipopia oñgeni tupondola okuvasa ombembwa ihapu nehambu.”
Upondola okulinga ñga: Inkha omunthu utavela ombrochula, tanga nae omitete vitatu popalagrafu 18 pefo 17 iya opopi okuti: “Onthiki ndyikondoka ndyihanda okukulekesa oityi tupondola okukevelela ngetyi Ombimbiliya ipopia.” Tyina wamakondoka ko, lilongesei otyipuka tyike povipuka viapopiwa po palagrafu 6 pefo 30.
As orientações de Deus O caminho para o Paraíso
Yalingwa pala okukuatesako ova Musulumanu vakala ponomphangu pana vapondola okulilongesa Ombimbiliya
Oñgeni matuyave: “Lekesa olutalatu pomafo 16-17 opopi okuti: “Olutalatu olu luelikalela unene netyi tuete mouye hono. Ove usoka okuti nthiki imwe ouye upondola okukala ngetyi tyikahi apa? [Yeka omunthu akumbulule.] Tala etyi omukanda wa Huku ulaa. [Tanga otestu ine po vihonekwa Mombimbiliya yove.] Ombrochula ei itukuatesako okukala nekolelo liotyotyili liokuti omilao ovio mavikafuisuapo tyotyili.”
Upondola okulinga ñga: Pokumanuhula etompho lio tete ita omunthu aholovone epulo like pomapulo ekahi konyima yefo liahulilila. Iya omulae okuti mamuya okupopia konthele yekumbululo mombrochula nthiki ukondokako.